شوونوارێن ئێزدیان ل ناوچهداريا ئەترۆش هاتنە دیتن
باسنيوز:
ڤەكولەرەكی ئێزدی دیاركركو شوونوارێن مەزارگەهەكا ئێزدیان ل ناحیا ئەترۆش ل دەڤەرا شێخان هاتنە دیتن یێن بەری سالا 1963ێ.
داود موراد خەتاری ڤەكولەرێ ئێزدی بۆ (باسنیوز) دیاركر:” نیشانگەهێن مەزارگەهێ كانیا سپی یێن ئێزدیان ل باشوورێ ناحیا ئەترۆش ب دووراتیا سێ كیلومەتران هاتنە دیتن. دووڤ ئاخڤتنێن خەلكێ دەڤەرا ئەترۆش، ئەو مەزارگەهێ ئێزدیان هەتا سالا 1963 یێ دروست بوویە وئێزدیان قەستا وی جهی دكرن بۆ دوعاكرنێ. پشتی سالا 1963 ئەو مەزارگەه هاتیە خرابكرن. نۆكە شوونوارێن وی مەزارگەهی ئانكو نیشانگەهێ ئێزدیان ماینە”.
خویا ژی كر: “بەردەوام جهێن شوونوار ومێژوویا ئیزدیان تۆماردكەت هەتا نۆكە چەندین پەرتۆك ل سەر ئێزدیان چاپ و بەلاڤكرینە وداخازێ دكەین ئەڤ مەزارگەهێ ئۆلا ئێزدیان یێن سالێن پێنچی و شێستان هاتینە خرابكرن، هەموو دووبارە بهێنە ئاڤاكرن”.
تُتاح هذه الصورة أيضا في: کوردی