رزگاربوویێن دەستێ داعش پێشانگەهەك ڤەکر
ئاژانسا خانێ:
ئەڤرو ب ئامادەبوونا جێگرێ پارێزگارێ دهۆکێ و رێڤەبەرێ گشتیێ ساخلەمیا پارێزگەها دهۆکێ، د چارچوڤێ 16 روژێن هاتینە راگەهاندن بۆ بەرهنگاربونا توندو تیژیێ دژی ژنان چالاکیەك ئەنجامدا و تێدا پێشانگەهەکا شێوەکاری هاتە ڤەکرن ، کو کەڤالێن وێ پێشانگەهێ ژلایێ چەند کچ و ژنێن رزگاربویێن دەستێن داعش هاتبونە نەخشاندن.
پشتی گەریانا لناڤ پێشانگەهێ ،کچەکا رزگاربوی بەحسا وێ زورداریێ و توندوتیژیئ کر ئەوا تیرورستێن داعش لدژی وێ ئەنجامدای پاش سوپاسیا سەنتەری کر بو پشتەڤانیاوان د هەمی بواراندا.
لدووڤدا رێڤەبەرا سەنتەری دادیارکرن تا نها پتر ژ ١٤٠٠ کچ و ژن ژدەستێن تیرورستێن داعش رزگاربوینە و پرانیا وان سەرەدانا سەنتەری کریە و ئەم شیاینە ب پالشتیا حکومەتا هەرێما کوردستانێ و ئیدارا پارێزگەهێ و ساخلەمیا پارێزگەهێ و نۆشدارێن تایبەتمەند ب نەخۆشیێن دەروونی هەتا رادەکێ زور باش چارەسەریا وان بکەین.
پاش جێگرێ پارێزگاری بناڤێ پارێزگارێ دهۆکێ دەستخوشی ل سەنتەری و رێڤەبەریا گشیا ساخلەمیێ کر و دادیارکرن ئێك ژ گرنگترین پشتەڤانی و هاریکاری بۆ کچ و ژنێن رزگاربوویی پشتەڤانی و هاریکاریا دەروونییە بۆ ڤێ یەکێ ژی دوبارە دەستخوشی ل تیمێن سەنتەری کر.
تُتاح هذه الصورة أيضا في: کوردی