ڕێكخراوا یونسكۆ و بنگەهێ لالش دێ كەلتۆرێ ئێزدیان پارێزن
تۆرا لالش/دهۆك
ئيرۆ شهمبوويێ 21/1/2023،شاندەكێ ڕێكخراوا یونسكۆ ل عێراقێ،سەرەدانا دەستەیا بلندا بنگەهێ لالش یێ ڕەوشەنبیری و كۆمەڵایەتی ل دهۆكێ كر.
شاندێ ڕێكخراوا یونسكۆ ب سەرۆكاتیا “ئەحمەد جنید سروشی وەلی” ڕێڤەبەرێ بەشێ ڕەوشەنبیری ل عێراقێ و دكتۆرا “ئانی تابپ” سەرەدانا سەرەدانا دەستەیا بلندا بنگەهێ لالش یێ ڕەوشەنبیری و كۆمەڵایەتی ل دهۆكێ كرن و ژلایێ “سەعید جردۆ”سەرۆكێ بنگەهێ لالش و ئەندامێن دەستەیا بلند ڤە هاتنە پێشوازیكرن.
سەعید خودێدا،جێگرێ سەرۆكێ بنگەهێ لالش دیاركر؛ئارمانج ژ ڤێ سەرەدانێ ڕێكخستنا خۆلەكا راهێنانێ بوو ل دۆر چاوانیا پاراستنا كەلتۆرێ دەڤەرێن ئێزدیان،پشتی ڕێككەفتن ل سەر چاوانیا ڤەكرنا خۆلێ دناڤبەرا بنگەهێ لالش و ڕێكخراوێ دا دئێتە كرن ل بەرە ل ڤان نێزیكان ئەڤ خۆلە بێتە ڤەكرن،هەروەسا نێزیكی 20كەسان ل سەرانسەری دەڤەرێن ئێزدیان دێ پشكدار بن و مامۆستایێن شارەزا ژلایێ ڕێكخراوێ ڤە بۆ ب رێڤەبرنا ئەڤێ خۆلێ دێ ئێنە دابینكرن.
جێگرێ سەرۆكێ بنگەهێ لالش دیاركر ژی كو ئەڤ خۆلە بۆ ماوێ 10ڕۆژان دێ ڤەكێشت،پاشی پشكدارێن خۆلێ دێ باوەرنامێن دەرچوونێ ژلایێ ڕێكخراوێ ڤە وەرگرن.
تُتاح هذه الصورة أيضا في: کوردی