بنگەهێ لالش رۆلەكێ سەرەكی ژبۆ ڤەگۆهاستنا قوتابیێن ئێزدی هەبوو
تۆرا لالش يا راگه‌هاندنێ
رێڤەبەرێ تۆمارا گشتی یا زانكۆیا دهۆكێ ئاشكەراكر،پتری 1200قوتابیێن مێڤاندار ژ هەموو ئاینان ل زانكۆیێ هەینە و بنگەهێ لالش رۆلەكی سەرەكی ژبۆ رێكخستنا ناڤێن قوتابیێن ئێزدی و ڤەگۆهاستنا وان ب هەماهەنگی ل گەل وەزارەتا خووندنا بلندا هەرێمێ هەبوو،ل سالا بۆری ژی قوتابیێن ئێزدی سەركەفتنێن باش ب دەست خۆ ڤە ئینان.
د.سەعید خودێدا،رێڤەبەرێ تۆمارا گشتی یا زانكۆیا دهۆكێ بۆ رۆژنامەیا دەنگێ لالش دیاركر:ل سالا بۆری چەندین قوتابیێن ئێزدی سەركەفتنێن باش ب دەست خۆڤە ئینان و سەركەفتیێن ئێك و دوو و سێ هەبوون،گەلەك ژوان قوتابیا نۆكە ل زانكۆ وپەیمانگەهێن هەرێمێ كار دكن،هەروەسا پتری 1200قوتابیێن مێڤاندار ژ هەموو ئاینان ل زانكۆیێ هەینە و بنگەهێ لالش رۆلەكی سەرەكی ژبۆ رێكخستنا ناڤێن قوتابیێن ئێزدی و ڤەگۆهاستنا وان ب هەماهەنگی ل گەل وەزارەتا خووندنا بلندا هەرێمێ هەبوو،گۆتژی پشتی ڤان كاودانێن ئابووری و دارایی و گەلەكێن دی كارتێكرن ل قوتابیان بوویە،هەروەسا هندەك قوتابی هەنا پشتی ژ زانكۆ و پەیمانگەها خۆ دەرچۆین قەستا ژ دەرڤەی وەلاتی كرینە ودەمێ دچن ژی داخوازا نمرێن خۆ دكن ب ئارمانجا هندێ كو ئەو بكارن ل وێ دەرێ مفای ژخووندنا خۆ ببینن و خزمەتێ پێشكێشی وەلاتێ خۆ بكن و هندەك ژفان قوتابیا دبنە ماستەر و هندەك دكتۆرا،ب ڤی شێوەی خزمەتێ دكن.
زێدەتر گۆت:دخوازم خەلكێ مە ب چاڤەكی بلند بەرێ خۆ بدەتە خووندنێ و كچ و كورێن خۆ پتر هان بدەن،ژبۆ پێشكەفتنا ئاستێ زانستی ل وەلاتی.
تُتاح هذه الصورة أيضا في: کوردی
