پێتڤیە راگەهاندنا كوردی پتر گرنگیێ ب كارەساتا شنگالێ بدەت
تۆرا لالش یا راگەهاندنێ
نەگرنگیدانا راگەهاندنا كوردی ب كەیسا شنگالێ بوویە جهێ گلە و گازندێن رۆژنامەڤانێن ئێزدی و دبێژن كارەسات هێش یە بەردەوامە وتاكێ كوردێ ئێزدی هەست پێنەكریە راگەهاندنێ هەموو خواستەكێن وی گەهاندبن،دخوازن ژی راگەهاندن پتر خۆ ل ڤێ كەیسێ بكەتە خودان و پێتڤیە پتر گرنگیێ بدەتێ.
نوونەرێ رۆژنامەڤانیا ئازادیا عێراقێ ل هەرێما كوردستانێ،كاوە عیدۆخەتاری بۆ دەنگێ لالش دیاركر، ئەگەر تەماشەی رۆلێ راگەهاندنێ بكەین دناڤ كێشەیێن كێمینەیێن ئاینی دا و ب تایبەت كوردێن ئێزدی دا ئەوژی ژبەرنەبوونا هەستێ نەتەوەیەتی دناڤ وان رۆژنامەڤانان و دەزگەهیێن راگەهاندنێ دایە،چنكو ل هەموو جیهانێ چاڤدێریا رۆژنامەڤانی هەیە ئەوژی كو هەموو دەزگەه ب گرنگیەكا مەزن ب كێمینەیان بدەن،بەلێ هێش نە ل ئاستێ پێتڤیە ل دەستپێكا كارەساتا شنگالێ هندەك كەنالان گرنگی ب كارەساتێ ددا،بەلێ بەردەوامی نەهاتە دان،چنكو هێش كارەسات یە بەردەوامە و هێش تاكێ كوردێ ئێزدی هەست پێنەكریە راگەهاندنێ ئەو هەموو خواستەكێن وی گەهاندینە،ژبەركو ئێزدی پێتڤی ب راگەهاندنەكێ نە دا وان ئێش و ئازارێن وان ب چاڤێن خۆ دیتین بگەهیننە هەموو جیهانێ،پێتڤیە هندەك كەنال و رادیۆ هندەك وەختێ خۆ ب كێمینەیان دانێن،دا ئەوژی هەست ب كێمیێ نەكن دناڤ جڤاكی دا.
رۆژنامەڤان ئەكرەم دەروێش،بۆ دەنگێ لالش خویاكر،د دەمەكی دا كو ئێزدی پێتڤی ب هەموو جۆرێن هاریكاریان بوون دكارەساتا شنگالێ دا،ب تایبەت ژی پێتڤی ب راگەهاندنەكا راستەقینە بوون كو ئێش و ئازار و ئاریشێن وان ژی ب ئێخنە بەرچاڤێن جیهانێ هەموویێ بكن كا چی ب سەرێ مللەتەكێ نازك وئاشتی خواز هاتیە وەكو ئێزدیان،لێ مخابن كارەساتەكا وەسایە مەزن و یە پر خوون و ب هەزاران ژ كچ و ژن و زارۆكێن ئێزدیان دناڤ دەستێن تیرۆرستێن داعشێ دا ماینە،دیسان ب هەزاران ژ ئێزدیان ئاوارەبوون و دژیانەكا پر زەحمەت دا نۆكە دناڤ كەمپان دا دژین.
رۆژنامەڤان مازن شنگالی،بۆ دەنگێ لالش دبێژت: ب دیتنا من دڤیا راگەهاندنا كوردی خۆ پتر ل كەیسا شنگالێ و هەموو كەیسێن دی تر یێن ئێزدیان كربا خودان و گلە و گازندەیێن خەلكێ پتر گەهاندبانە،لێ هندەك دەزگەهێن راگەهاندنێ وەك موزایدەتێن سیاسی سەرەدەری لگەل كێشەیا ئێزدیا كر یا فەرە راگەهاندن ب هەموو شیانێن خۆ هاریكاربت ل گەل كێشێن كێمینەیان و ب تایبەت ئێزدیان،چنكو ئەو كارەساتا ب سەرێ ئێزدیا هاتی پێتڤی ب راگەهاندنێ یە.
تُتاح هذه الصورة أيضا في: کوردی
