نووترین پێشبینیێن تایبەتمەندیێن مۆبایلا ئایفۆن هەشت
ئێن ئارتى
لگۆرى راپۆرتێن رۆژنامەڤانیێن بیاڤێ تەکنەلۆژی و زانیاریان، وەسا دیار دکەن کو ئایفۆنا هەشت دێ جوداهی هەبیت دگەل هەمى جۆر ئایفۆنێن بەرێ دا، ب وێ ئێکێ کو کۆمەکا تایبەتمەندیێن نوو تێدا هەنە کو د یێن بەرێ دا نینە.
پشتى بوورینا ١٠ ساڵان بسەر دەرکرنا ئێکەمین مۆبایلا جۆرێ ئایفۆن ژلایێ کۆمپانییا ئەپڵ ڤە، د نها دا گەلەک ئاخفتن لسەر تایبەتمەندیێن ئایفۆن هەشتێ دهێنە کرن کو د چەند مەهێن بهێت دا دێ دەرکەڤیت کو ب باوەریا وان دێ سەرهلدانەکا بیاڤێ شاشێ شووشە بیت ژ جۆرێ ” OLED”.
لگۆرى راپۆرتەکا مالپەرێ “فۆربس” دەرکرنا ئایفۆنا نوو ب رەنگەکێ باشتر کو دژە ئاڤ و تۆزە، ئەڤەژى دێ بیتە سەدەمێ هندێ ئەو مۆبایل بشێت د کوراتیا ١.٥ مەترێن ئاڤێ دا بۆ دەمێ ٣٠ خولەکان بمینیت، ئەڤەژى د دەمەکێ دایە جۆرێن نها یێن ئایفۆنێ واتە ئایفۆن ٧ و ٧ پڵەس شیانا مانێ د ناڤ مترەکا ئاڤێ دا هەنە.
دهێتە چاڤەرێکرن ئایفۆنا نوو تایبەتمەندیەکا نوو بۆ بهێتە زێدەکرن کو ئەو ژى ژ زێدەکرنا تایبەتمەندیا شەحنکرنا “بێ تێل” هەوایى پێکدهێت هەروەسا جهێ بهیستنا مۆبایلێ ژى .
راپۆرتێن رۆژنامەڤانیێن نوو، ئەو چەندە ژى زەلالکرینە، کو کۆمپانیا ئەپڵ ب ژڤانە شاشێ چەمیایى “قەوس” بۆ مۆبایلا خوە یا نوو زێدە بکەت، ژ جۆرێ “OLED”، کو شیانا چەمیانێ هەبیت و ب ڤێ ژى هەڤرکیا وان کۆمپانییان بکەت کو ب ژڤانێ بەرهەڤکرنا هەمان جۆرێ شاشەینە بۆ مۆبایلێن خوە.
پ.م
تُتاح هذه الصورة أيضا في: کوردی