تۆرا لالش
ئیرۆ ڕۆژا پێنجشەمبوویێ ڕێکەفتی ٢٥ی خزیرانا ٢٠٢٦ێ، شاندەکی گرۆپێ “ئەزدا” یێ موزیكێ سەردانا بنگەهێ لالش یێ ڕوشەنبیری و كۆمه‌لایه‌تی ل دهۆكێ کر و ژ ئالیێ سەعید جردۆ، سەرۆکێ بنگەهی، و ژمارەیه‌کا کارمەند و ئەندامێن دەستەكا بلند ڤه ب گەرمی هاتنە پێشوازیکرن.
سەرۆکێ بنگەهێ لالش خۆشحالیا خۆ بۆ سەردانا شاندی دەربڕی و د پەیڤەکێ دا پەسنا کار و چالاکیێن بەردەوام یێن گرۆپێ ناڤبری کر.
سه‌عید جردۆ ڕۆلێ گرۆپێ “ئەزدا” د خزمەتکرن و پاراستنا کەلتور، ڕەسەناتی و فۆلکلۆرێ ئێزدیان دا بلند نرخاند و دووپاتکر کو بنگەهێ لالش دێ پشته‌ڤان بت بۆ سەرکەفتنا پرۆژەیێن وان یێن ل پاشەرۆژێ.
ژ لایێ خۆ ڤە، ئەندامێن شاندێ گرۆپێ “ئەزدا” سوپاسی و پێزانینێن خۆ ئاراستەی سەرۆکاتیا بنگەهی کرن بۆ وێ پێشوازییا گەرم و پشته‌ڤانیا بەردەواما کو پێشکێشی ڕەوشەنبیر و گەنجێن دەڤەرێ دکەن، کو ئەڤە دەمەک درێژە وەک چەترەکا گرنگ یا کۆمکرنا کەلتوری کار دکەت.
تُتاح هذه الصورة أيضا في: کوردی