Li Almanyayê 2 hezar û 982 haletên Xuriya Meymûn hatine tomarkirin

Navenda Nûçeyan (K24) – Enstîtuya Robert Koch a Almanyayê (RKI) ragihand, heta niha 2 hezar û 982 haletên nexweşiya Xuriya Meymûn ji enstîtuyê re hatine ragihandin, ku ji wan 7 kes jin in.

Di daxuyaniya Enstîtuya Robert Koch de hatiye eşkerekirin, heta niha 2 xort bi nexweşiya Xuriya Meymûn ketine, herwiha 2 kesên bi temen û zarokekî ku di heman malbatê de dijî, bi vê nexweşiyê ketine.

Medyaya Almanyayê eşkere kiriye ku ew zarok keçeke 4 salî ye û li bajarê Pforzheim yê eyaleta Baden-Wurttembergê dijî.

Rêxistina Tendirustiyê ya Cîhanî (WHO) roja 23ê Tîrmeha 2022yan ji ber nexweşiya Xuriya Meymûn rewşa awarte ragihand.

Li Almanyayê haleta yekem a nexweşiya Xuriya Meymûn di 19ê Gulanê de hatibû tomarkirin.