ئاخین
حسێن حاجى
دنیا یا رهش وشین
ژیانا كهرب وكین
گهمارا گهنى وژهنگین
زمانێ خۆش ئى دهرهوین
كول وخهم وبرین
ههموو دیار بوون ل نك ههڤالێ خائین
خائین دۆسته
نهى دل راسته
ئاگرێ مرنێ
ل سهر سهرێ ئاخینێ وبابێ وێ دا بارین
باب گازى دكهت ئاخین
بلهزینه دا ژ ڤى باغێ خیانهتێ دهركهڤین
ئهڤه ب ناڤ مرۆڤه.. دل هۆڤه
دێ من كهته تێشت وته دێ كهته ڤراڤین
دا زوو زوو ژێ دوور بین
بابۆ دهرگهه د زنجیر كرینه
ههموو رێ دگرتینه
كهسى هاژ هاوارا مه نینه
ههڤالێ ته چاڤێت وى سۆرن
دهڤ ب خوین
ئهز وا دترسم من بسترین
دا زوو ب رهڤین
ههڤالێ خائین بابێ ئاخینێ دخاپینێ
دناڤ خوونێ دا دگهڤزینێ
پهپوكا رهبن ما بتنێ
دل پهرتیین
دهست ولنگێت ئاخینى ژ ترسادا دلهرزین
ب ههردوو چاڤا دكهته گرى ونالین
ئاخین بووا پاریهك د دهستێ هۆڤێ دهڤ ب خوین
گورێ هارا
ژهحرامارا
ل سهر لهشێ نازك ئى شرین
كره جهنگ وجڤین
روحا بێ گونههه
ههزار ئاخ و ئۆف ژهنیین
پۆرا زێرى
دهڤ ولیڤێت شهكرى
هێش تێر نهكهنین
كرن رهش وشین
روكێن بهفرینى
چاڤێت هنگڤینى
هێش تێر دنیا نهدیتین
پێكڤه ڤهمرین
دههبێ زارۆكا
جیهانا مرۆڤایهتیێ
پێكڤه كره غهمگین
ئهى خودا
تهبۆچى ئهڤ درهندا دا
خهمێت ئێزدیخانێ
ل ههیڤا تهباخێ نهبهس بوون
خهما ئاخینا شهش سالى
زارۆكا شنگالى
هات ب سهردا
هۆڤێ دورندا
دهست ولنگێت بشكۆفكا رهنگین
ئێخستن قهیدا
هاوارا ونالینا وێ
گههشته ئاسمان وئهردا
ئهڤه چى دهرده
باب وكچ رۆژا نیڤرۆ كرن هندا
مرۆڤاتى ئهگهر توو نكارى
جیهانا زارۆكینیێ بپارێزى
دهست ژكارێ خۆ بهرده
تُتاح هذه الصورة أيضا في: کوردی