ئیراق.. ھژمارا ئاكنجییان گەھشتیە ٣٦ ملیۆن کەسان
وار
ئەڤ سالە ھژمارا ئاکنجیێن ئیراقێ دێ گەھیتە سیھـ و شەش ملیۆن کەسان، کو رەگەزێ نێر ژی ژ یێ مێ پترن.
عەبدولزەھرە ھینداوی، پەیڤدارێ وەزارەتا پلاندانانا ئیراقێ راگەھاند، ل گۆری پێشبینیێن دەزگەھێ ناڤەندیێ ئیراقێ،کو ئەڤ سالە ھژمارا ئاکنجییێن ئیراقێ دێ گەھیتە سیھـ و شه‌ش ملیۆن کەسان، رێژەیا ٥٠.٥%ێ ژی ژ رەگەزێ نێرن و ٤٩.٥%ێ ژی مێ نە.
ھینداوی ئاشکرا کر، ١٥%ێ ژ ئاکنجیێن ئیراقێ ژیێ وان ژ پێنج سالان کێمترە، ٢٥%ێ ژیێ وان ژ پێنج ھەتا چاردە سالیێ نە، ٥٧%ێ ژی ژیێ وان د ناڤبەرا پازدە ھەتا شێست و چار سالیێ دانە.
وەزارەتا پلاندانا ئیراقێ ئاشکرا ژی نەکرییە، کانێ ھژمارا ئاکنجییێن ھەرێما کوردستانێ چەندە.
ل سالا ١٩٧٩ێ ھژمارا ئاکنجییێن ئیراقێ دوازدە ملیۆن کەس بوون، ل سالا ١٩٨٧ێ ژی شازدە ملیۆن و سێسەد ھزار کەس بوون، ل سالا ١٩٩٧ێ ژی ھژمارا وان گەھشتیە بیست و دو ملیۆن کەسان.
تُتاح هذه الصورة أيضا في: کوردی