بارزانی دێ ل گهل سهرۆكێ فرهنسا كۆم بیت
ئهڤرۆ نیوز:
وهسان بڕیاره مهسعود بارزانی سهرۆكێ ههرێما كوردستانێ د ڤێ حهفتیێ دا سهرهدانا فرهنسا بكهت و ل گهل فرانسوا هۆلاند، سهرۆك كۆمارێ فرهنسا كۆم ببیت.
ژێدهرهكێ نێزیك ژ سهرۆكاتیا ههرێما كوردستانێ بۆ “باس” راگههاند، د ڤێ حهفتیێ دا بارزانی دێ د درێژاهیا گهشتا خوه دا بۆ ئورۆپا چیته فرهنسا و ل گهل فرهنسوا هۆلاند ل كوچكا “ئیلیزێ” دیدار و كۆمبوونان ئهنجام دهت.
ب گۆرهی پێزانینێن حهفتینامێ، ئهجنیدایێن سهرهدانا بارزانی بۆ وهلاتێن ئورۆپا؛ بهحسكرنا شهرێ داعش و گرتنا مووسله و بهحس دێ ل گوهۆڕینێن دهڤهرێ ب رهنگهكێ گشتی هێته كرن و پرسا ریفراندۆمێ بۆ سهربهخۆیا ههرێما كوردستانێ ئێكه ژ تهوهرێن سهرهدانا بارزانی.
د ماوێ شهرێ داعش دا، بارزانی و هۆلاند چهندین دیدار و كۆمبوونێن دژی ههبووینه و ل 12ی ئیلۆنا 2014ێ فرانسۆا هۆلاند سهرۆك كۆمارێ فرهنسا هاتیه ههرێما كوردستانێ و ل كوچكا سهرۆكاتیا ههرێما كوردستانێ ل گهل مهسعود بارزانی كۆمبوویه و پشتی وێ ژی بارزانی ل 10ی شوباتا 2015ێ چوویه فرهنسا و ل گهل فرهنسوا هۆلاند كۆمبوویه، ئهڤه دیدارا سیێ یا فهرمی یا د ناڤبهرا ههردو سهرۆكان دایه د ماوێ شهرێ داعش دا.
تُتاح هذه الصورة أيضا في: کوردی