حکومەتا عێراق بڕیارهک دەبارەی مووچێ فەرمانبەران هەلوەشاند
رووداو – بەغدا
حكومەتی عێراق بڕیاری بڕینی 3.8% ی مووچەی فەرمانبەرانی هەڵوەشاندەوە، کە پێشتر بۆ حەشدی شەعبی و ئاوارەكان خەرجدەکرا.
بەپێی راگەیێندراوێکی حكومەتی عێراق كە واژۆی مەهدی عەلاق، ئەمینداری گشتیی ئەنجوومەنی وەزیرانی لەسەرە، حكومەتی عێراق رەزامەند دەربڕیوە لەسەر هەڵوەشاندنەوەی بڕیاری بڕینی بەشێك لە مووچەی فەرمانبەرانی عێراق. بەم جۆرەش بڕیاری بڕینی 3.8%ی مووچەی فەرمانبەرانی عێراق هەڵوەشاوەتەوە.
ئەحمەد حاجی رەشید، بڕیاردەری لیژنەی دارایی پەرلەمانی عێراق بە (تۆڕی میدیایی رووداو)ی راگەیاند: “ئەو بڕیارەی حكومەتی عێراق مایەی خۆشحاڵییە، چونكە پاساوێك نەمابوو بۆ بڕینی ئەو 3.8% ـەی مووچەی فەرمانبەران”.
لە یاسای بودجەی 2017ی عێراق، ئەوە جێگیركرابوو كە هەموو فەرمانبەرێكی عێراق 3.8% ی مووچەكەی بۆ حەشدی شەعبی و ئاوارەكان لێدبڕدرێت. ئەم بڕیارە لە سەرجەم پارێزگاکانی عێراق جێبەجێدەکرا، جگە لە پارێزگاکانی هەرێمی کوردستان نەبێت.
تُتاح هذه الصورة أيضا في: کوردی