وەزارەتا دارایی بریارهكێ ئاراستەی وەزارەت و فەرمانگەهان دكت
باسنيوز:
بۆ رایی كردنی مامەڵەی هاووڵاتییان وەزارەتی دارایی ئاگادارییەك ئاڕاستەی سەرجەم وەزارەت و فەرمانگەكان دەکات.
بە پێی نوسراوێكی وەزارەتی دارایی و ئابووریی حکوومەتی هەرێمی كوردستان كە تایبەتە بە گشتاندنی دارایی ژمارە 1ی ساڵی 2019، كۆپیەكیش لە نووسراوەکە بە (باسنیوز) گەیشتووە تێیدا ئاماژە بەوەكراوە كە بە مەبەستی كارئاسانی و راپەڕاندنی نوسراوەكان و كەمكردنەوەی رۆتین و بەدواداچوونی فەرمانبەران (مراجع) بۆ وەزارەتی دارایی دەبێت هەر وەزارەتێك چەند نوێنەرێكی تایبەتی هەبێت بۆ بەدواداچوونی نوسراوەكانیان.
وەزارەتی دارایی جەختیشی كردووەتەوە، دەبێت وەزارەتەكان لەم بوارانە نوێنەریان هەبێت، “نوێنەری كارگێڕی بۆ كاروباری كارگێڕی و میلاكات و نوێنەری ژمێریاری بۆ كاروباری ژمێریاری، نوێنەركان دەبێت باجی تایبەتیان هەبێت بە نوسراو دارایی لێ ئاگادار بكەنەوە”.
ئەوەش خراوەتەڕوو نابێت نوسراوەكان بدرێـنە دەستی (مراجع) و فەرمانبەران، دووپاتیش كراوەتەوە، ئەگەر ئەو خاڵانە رەچاو نەكرێن ئەوە دارایی خۆی بە بەرپرسیار نازانێت لە جێبەجێنەكردنی نوسراوەكان یان دواكەوتنيان.
تُتاح هذه الصورة أيضا في: کوردی