پيرۆزباهييا سەرۆکێ هەرێما كوردستانێ ب ههلكهفتا جەژنا ئەکیتۆ
K24 – ھەولێر:
نێچیرڤان بارزانی، سەرۆكی ھەرێمی كوردستان بەبۆنەی جەژنی (ئەکیتۆ) سەری ساڵی نوێی بابليى ئاشووریيەوە پەیامێكی پیرۆزبایی ئاراستەی تەواوی کلدان، ئاشووری و سریانییەكانی کوردستان، عێراق و جیهانی كرد، ئەمەش دەقی پەیامەكەیە:
دەقی پەیامی پیرۆزبایی نێچیرڤان بارزانی، سەرۆكی ھەرێمی كوردستان بە بۆنەی جەژنی ئەكیتۆوە:
بەبۆنەی هاتنەوەی جەژنی (ئەکیتۆ) سەری ساڵی نوێی بابليى ئاشووریيەوە، گەرمترین پیرۆزبایی لە تهواوى خوشک و برایانی کلدانی، ئاشووری و سریانی لە کوردستان و عێراق و جیهان دەکەم، هیوادارم ئەم بۆنەیە ببێتە مایەی خێر و خۆشی و گەڕانەوەی ئومێد و ئارامی بۆ ئەوان و هەموو هاووڵاتییان.
مایەی شانازییە کە کوردستان هەمیشە نیشتمانی پێکەوەژیان، فرەیی، لێبوردەیيی ئایینی و نەتەوەیی بووە و کریستیانانیش پێکهاتەیەکی ڕەسەن و دێرینی ئەم خاک و نیشتمان و کولتوورە فرەڕەنگەن کە دەبێ بە هەموو شێوەیەک بیپارێزین و بەهێز و پتەوتری بکەین.
جەژنی ئەکیتۆ لە خوشک و برایانی کریستیانمان پیرۆز بێت و هیوادارم پێکەوە جەژن و بۆنەکانی داهاتوومان لە دۆخێکی باشتردا لە سایەی پێکەوەژیان و ئاشتی و ئارامیدا بکەینەوە، قەیران و تەنگانەمان تێپەڕاندبێ و پەتای کۆڤید_19 و دەرهاویشتەکانی بەرۆکی جیهان و مرۆڤایەتییان بەردابێت.
خوای مهزن کوردستان و کوردستانییان و تەواوی گەلانی جیهان بپارێزێت.
نێچیرڤان بارزانی
سەرۆکی هەرێمی کوردستان
31/3/2021
تُتاح هذه الصورة أيضا في: کوردی