وەزارەتا کارەبێ وەلاتیان ئاگەهدار دکەت
گاڤ نیوز
وەزارەتا کارەبا حکومەتا ھەرێما کوردستانێ راگەھاند: قەبارێ دانا کارەبێ دێ ب پیڤەرێ سینگل فەیس ب ٤٠ ئەمپێران و سری فەیس ب ٩٠ ئەمێران بیت.
د راگەھاندنەکێ دا وەزارەتا کارەبا حکومەتا ھەرێما کوردستانێ راگەھاند: ئەوێن پیڤەرێن زیرەک گرێداین، ئەگەر وزەیا کارەبا بکارھاتی ژ وێ زێدەتر بوو یا وەزارەتێ دانایی، وەک ئاگەھداریەک کارەبا وی دێ بۆ دەما ٤٥ چرکەیان چیت و پشتی ١٥٠ چرکەیان دێ کارەبا وی ڤەگەڕیت، ئەگەر ژی د دەمێ ٣٠ خۆلەکان دا پێنج جاران کارەب چوو، کارەبا وی دێ ھێتە بڕین و پشتی ٤٥ خۆلەکان دێ کارەبا وی ھێت.
ھەروەسا ئاشکراکر، پەیرەوکرنا ڤی شێوازی بۆ دانا کارەبێ ب ئێک ژ مواسەفاتێن پیڤەرێ زیرەک دھێتە دانان بۆ وێ یەکێ د وەرزێن سالێ دا ل گۆرەی خواست و بەرھەمئینانا کارەبێ وەزارەت بشێت کارەبێ ب شێوەیەکێ دادپەروەرانە کونترۆل بکەت و بشێت زێدەتر کارەبێ ب وەلاتیان بدەت.
ھەروەسا دیارکریە، ل گەل باشکرنا رەوشا کارەبێ و جێگیرکرن و کونترۆلکرنا سیستەمێ کارەبێ دێ گوھۆڕین ب سەر پەیروەکرن و شێوازێ دیارکرنا قەبارێ دانا کارەبێ ژی دا ھێن.
تُتاح هذه الصورة أيضا في: کوردی