پەیڤدارێ حكوومهتا ههرێما كوردستانێ پهیامەك بەڵاڤکر
باسنيوز:
ئهڤرۆ سێشهمبی 30ێ 1ێ 2024، پەیڤدارێ حكوومهتا ههرێما كوردستانێ پهیامەك بەڵاڤکر و راگههاند، عهقلییهتا شۆڤێنی ل عێراقێ پێداگره لسەر برسیكرنا ولاتیێن ههرێما كوردستانێ.
پێشهوا ههورامانی، پەیڤدارێ حكوومهتا ههرێما كوردستانێ پهیامەك بەڵاڤکر و تێدا هاتیه، راوێژکارەکێ برێز سوودانی پەیامەك ئاراستەی هەرێما کوردستانێ کریە و دبێژیت هون دپلۆماسیەتێ بهێلن و مژوولێ مووچەی بن! پرسیار ئەوە، ژبلی هندێ کۆ ب نادەستووری دەست هاڤێتنە حەفکا حەفت ملیۆن کەسان و برسی دکەن و پێنجی و پێنج ماددێن دەستووری بەرامبەر خەلکێ هەرێما کوردستانێ بنپێکرینە، بەلێ ئەڤ برێزە دلێ وی ژ لایێ هندێیە کۆ نابیت هەرێما كوردستانێ لڤینا دپلۆماسی هەبیت.
هەڤدەم پەیڤدارێ حكوومهتێ د پهیاما خودا ئهو ژی دیار کر، پێتڤیە ولاتی ل سەرتانسەرێ عێراقێ بزانن کۆ یێن شایستێن دارایێن هەرێمێ و مووچەخۆران راگرتی، کەسێن وەکە ڤی راوێژکارینە کۆ هەتا سەر هەستیکان بڤێ عەقلییەتا شۆڤینی پێداگریێ ل سەر برسیکرنا ولاتیێن هەرێما کوردستانێ دکەن. پێشهوا
ههوارمانی، ئاماژه ب وێ کر، ئەم پشتراستین کۆ کەسێن هەڤشێوە و خودانێ ڤێ هزرێ چێکرنا ئاریشان بەرامبەر نزیکبوونا هەرێما کوردستانێ و حکوومەتا فیدرال، هەروەسا راوێژکارێ بڤی شێوەینە کۆ دخازن لەمپەرێ بێخنە بەرامبەر پێنگاڤێن برێز سەرۆکوەزیران سوودانی بۆ چارەسەرکرنا ئاریشان دگەل هەرێما كوردستانێ.
تُتاح هذه الصورة أيضا في: کوردی