ل كۆمه‌لگه‌ها شاریا 100 خێزانێن کەمدەرامەت هاریکاری وەرگرتن

بنگەهێ لالش تایێ شاریا ب هەڤکاری دگەل رێکخراوا نوپێل و پشتەڤانیا ( كنيسة يسوع المسيح )و بەرێز (قەس فضيل و دانيال)، ل رۆژا شەمبوویێ رێکەفتی 27/7/2024 ل ژ بۆ پتر خزمەتکرنا خەلکێ مە و درێژکرنا دەستێ هاریکاریێ وەکو هەرجار بنگەهێ لالش ب ئەرکێ خۆ یێ مروڤایەتی رابوو ل هۆلا لالش ئێک دەست ب پارڤەکرنا هاریکاریان لسەر 100خێزانێن کەمدەرامەت یێن ئاوارێن شنگالێ و رزگاربویێن دەستێ داعش و خودان پێدڤیێن تایبەت ل شاریا، ئەو هاریکاری پێکهاتبوون ژ کەلوپەلێن خوارنێ یێن جۆراوجۆر .

بۆ زانین ئەڤ هاریکارینە پێکهاتبوون ژ ئاهێن خوارنێ یێن جۆراوجۆر وەکو(برنج ، زەیت فاسولی و شیر و توڤ چای و ڕژدە و شەکر و گەلەکێن دی) .

جهێ ئاماژێ یە کو بنگەهێ لالش تایێ شاریا هەر ژ دەسپێکا جینوسایدا شنگالێ پێشەنگێ هەموو دەزگەه و رێکخراوان بوویە و ژبوو هاریکاری کرنا خەلکێ خۆ دهەموو بوارێن ژیارێ و تەندروستی و مرۆڤی و رەوشەنبیریدا و خۆ ب خزمەتکارێ سەرەکیێ خەلکێ خو لقەلم ددەت .

ژ ئالیێ خۆ ڤە بنگەهێ لالش تایێ شاریا سوپاسیا قەس فضيل و دانيال کر بۆ هاریکاری و هەماهەنگیا وان دگەل مەدا بۆ پارڤەکرنا ئەوان هاریکاریان، کو بەردەوام هاریکارن دگەل کەم دەرامەتان، هەر وەسا سوپاسیا ڕێکخراوێن شاریا و ڕۆژهلات کر کو د هاریکاربوون د ڤێ چالاکیێ دا.