شنگال پشتی رزگاركرنێ
شاما شنگالی
پشتی هێرشا دەولەتا ئیسلامی ل عێراقێ و شامێ(داعش) لسەر دەڤەرا شنگال و ناوچەداری و گوند و كۆمەلگەهێن وێ،كو ب سەدان ژ خەلكێ ئێزدی یێن كو ل وێ دەڤەرێ دژین كوشتن و كارەساتەكا مەزن دەرهەقێ مللەتێ ئێزدی دا ئەنجام دان، بگرە ژ كوشتن و برنا كچ و ژنان و شووشتنا مێشكێ زارۆكان.
كچ و ژنێن ئێزدیێن شنگالێ هاتنە كرین و فرۆتن ب دەستێ درەندەترین گرۆپێ تیرۆرستی ل جیهانێ دا داعشێ،هێشتا كچ و ژنێن ئێزدی یێن گرتی د دەستێ تیرۆرستان دا ماینە و پێتڤی یە هەر زوو بێنە رزگاركرن،هەروەسا تیرۆرستێن داعش رابوون ب شووشتنا مێشكێ زارۆكێن شنگالێ داكو بكارن ل پاشەرۆژێ وان زارۆكان بینن سەر هزرا خۆ یا درندانە و ببن چەكدار ل رێخستنا وان دا هەواندە، بێ كو حكومەتا عێراقێ تشتەكی بكەتن داكو نەهێلت ئەڤ چەندە چێ بتن،سەرەرای ئەڤ چەندا بسەرێ مللەتێ شنگالێ هاتی هەتا نهۆ حكومەتێ خۆ ل وان نەكریە خودان و كەسێن تاوان دژی ئێزدیان ئەنجام داین ژلایێ حكومەتێ ڤە نەهاتینە سزادان.
پشتی دەڤەرا شنگالێ هاتیە رزگاركرن ژی هەر ژلایێ حكومەتا عێراقێ ڤە پشتگۆهاڤێتی ڤە مایە، هەتا نهۆ ب هەزاران مالێن وێران هەنە و ب سەدان زارۆكێن شنگالێ یێن بێ دەیك و باب هەنە و پێتڤی هاریكاریا مادی نە،لێ حكومەتێ هاریكاریا وان نەكریە،خەلكێ شنگالێ دخوازن دووبارە دەست ب ئاڤەدانكرنا دەڤەرا وان بێتە كرن و جارەكا دی ڤەگەرنە سەر جی و وارێن خۆ ڤە.
تُتاح هذه الصورة أيضا في: کوردی