تۆرا لالش
33 سالییا دامەزراندنا بنگەهێ لالش ل سەرجەم خەمخۆرێن ئێزدیاتیێ پیرۆزبت.
ئەڤێ سازیێ خزمەتەکا مەزن پێشکێشی ئێزدیان کریە و خالا وەرچەرخانێ بوو د بزاڤا رەوشەنبیری یا ئێزدیان دا، ب شانازی ڤە دبێژین ئەڤ بنگەهە بەرهەمێ بزاڤا رزگاریخوازا کوردە و پشتی ئازادیا کوردستانێ لسەر راسپاردێن جەنابێ سەرۆک بارزانی حکومەتا کوردستانێ چ ل سەر دەمێ جەنابێ کاک نێچیرڤان چ ژی ل حکومەتا نها ب سەرۆکاتیا جەنابێ کاک مهسرور بارزانی رۆژ بۆ رۆژێ پتر پشتەڤانی ل ڤی بنگەهی هاتیە کرن.
بنگەهێ لالش کاری ئێزدیاتیێ ب زمانەکی زانستی بدەتە ناسکرن چ ب رێکا گۆڤار و رۆژنامە و پەرتۆک و سایتێن ئەلکترونی چ ژی ب رێکا سمینار و ڤیستەڤال و خۆل کۆنفرانس و بەرنامە و تهلهڤزیونان.
شانازم کو ژ دەستپێکا گەنجاتیا خۆ خزمەتکارێ ڤی بنگەهی بوویمە و گەلەگ جاران د ژیانا خۆدا تووشی ئاستەنگان بویمە پێخەمەت پشتەڤانییا ڤێ سازیا گرنگ و سوپاس بۆ خودێ ئەو کەسێن هنگی د بوونە ئاستەنگ ئیرۆ ئەوژی گەهشتنە وێ باوەریێ ئەڤ سازیە گرنگە و نها خزمەتا ڤی بنگەهی دکەن.
ل سەر راسپاردێن سەرۆک بارزانی ئەڤ بنگەهە وەکو قوتابخانەیەکێ بوویە بۆ پێگەهاندنا گەنجێن ئێزدیان هیڤیا مە ئەوە دەستەیێن داهاتی ژی هەول بدەن ڤان دەستکەفتان بپارێزن و هەر بمینت فێرگەها ئێزدیناسیێ .
خزمەتکارێ بنگەهێ لالش
جعفر سمو
تُتاح هذه الصورة أيضا في: کوردی