كۆما سەردەشتێ یا هۆنەری كەلتۆر و شارستانیەتا ئێزدیان بۆ جیهانێ د دەتە ناسین
تۆرا لالش یا راگەهاندنێ
كۆما سەردەشتێ یا هۆنەری ل سالا(2015)هاتیە دامەزراندن،هەتا نهۆ چەندین چالاكیێن هۆنەری ئەنجام داینە و كەلتۆر و شارستانیەتا ئێزدیان بۆ جیهانێ د دەتە ناسین.
بەرپرسێ كۆما سەردەشتێ یا هۆنەری(دەخیل جوانا) بۆ دەنگێ لالش دیاركر،ئەڤ كۆمە لژێر دروشمێ(خۆرتێن مە هیڤیا مەنە ) ل سالا(2015)هاتیە دامەزراندن و پێكهاتی یە ژ(20) كچ و خۆرتێن ئێزدیان،ژ ئارمانجێن مە ئەو بوو دا جیهانێ ب كەلتۆر و شارستانیەت و ئایینێ ئێزدیان بدەینە ناسین و هاریكاریا خۆرتان و بەهرەمەندا بكن لدووڤ شیانێت خۆ،زێدەباری سازكرنا ڤیستەڤال و ئاهەنگا و خۆلێن جۆراوجۆر ل ناڤ كەمپێن ئاواران دا،تەكەزكر ژی هەتا رادەیەكی ئەڤ ئارمانجێن مە هاتینە بجهئینان و ئەم لگەل خەلكێ خۆ بووین دخۆشی و نەخۆشیان دا و ب تایبەتی ل سالا(2015 هەتا 2017)گەلەك چالاكی ئەنجام دان، ژ وانا ژی چێكرنا كلیپەكێ بناڤێ (شنگال ئاخا تە پیرۆزە ) و پتر ژ(20)شانۆگەریێن جۆراوجۆر و ب دەهان هەلبەست و هۆزان ژ ئالیێ ئەندامێن كۆمێ ڤە هاتینە چێكرن،دگەل نڤیسینا كورتە فلمەكی ژی كو دەمێ وی هەشت خۆلەك بوون و ژبەر نەبوونا هاریكاریێ ئەو فلمە نەهاتە وێنەكرن،دیسان ب مخابنی ڤە ژبەر نەبوونا هاریكاریێ و جیەكی بۆ كۆمێ و بەلاڤبوونا ئەندامێن كۆمێ ئەڤە پتر ژ سالەكێ یە چ چالاكی نەهاتینە ئەنجام دان.
جوانا خویاكر،ئەم دێ لسەر كارێ خۆ دبەردەوام بین،چنكو كارەكی پیرۆزە و ئەم كەیف و خۆشیێ دئێخنە دلێ خەلكێ خۆدا.
تُتاح هذه الصورة أيضا في: کوردی