پەیمانگەھا ئابۆر و ئاشتییێ: ئیراق ژ ئالییێ خوەشگوزەرانییێ ڤە پشتی سۆمالێ دھێت
WAAR-دهۆك:
ل گۆری راپۆرتا پەیمانگەھا ئابۆر و ئاشتییێ ئیراق ژ ئالییێ خوەشگوزەرانییێ ڤە ژ وەلاتێن ھەری پاشکەفتی یە و پشتی سۆمالێ دھێت.
پەیمانگەھا ئابۆر و ئاشتییێ یا جیھانی راپۆرتا خوە یا سالانە یا خوەشگوزەرانییێ ل وەلاتێن جیھانێ بەلاڤ کر و ل گۆری راپۆرتێ ئیراق ل سالا ٢٠١٨ێ د ناڤ سەد و نۆت و سێ وەلاتێن جیھانێ دا، رێزبەندییا سەد و شێستێ وەرگرتی یە و پشتی وەلاتێن ھەری پاشکەفتی یێن وەک سۆمال و یەمەنێ دھێت.
راپۆرتا پەیمانگەھا ئابۆر و ئاشتییێ یا جیھانی پشتبەستن ل سەر پیڤەرێن ئاستا پاراستنا ژیانا مرۆڤان، ئاشتییا جڤاکی، ئاستا ھەڤرکییێن ناڤخوە، ھەرێمی و نێڤدەولەتی و ئاستا سەربازی کرییە
تُتاح هذه الصورة أيضا في: کوردی