نێچیرڤان بارزانی: پێدڤییه ب بهرنامهیهكێ ههڤپشكێ كوردستانی بچینه بهغدا
WAAR-دهۆك:
سهرۆكوهزیرێ ههرێما كوردستانێ پهیامهك ئاراستهیی ئالیێن سیاسی كر و داخوازا ئێكرێزی و بهرنامهیهكێ ههڤپشك بۆ پێكئینانا حكومهتا نوو یا ئیراقێ كر.
د دو تویتێن جودا دا ل تۆرا جڤاكییا تویتهری، سهرۆكوهزیر نێچیرڤان بارزانی دیاركر، ب فیداكارییا هێزێن پێشمهرگهی و خوراگری و هیمهتا گهلێ كوردستانێ و بزاڤێن بهردهوامێن حكومهتێ بۆ چاكسازیێ، رۆژێن ب زهحمهت و دژوار دهربازبوون و نها ئاسۆیهكێ روون و پاشهرۆژهكا گهش، چاڤهرێی كوردستانی یه.
سهرۆكوهزیر بارزانی، داخواز ژ ئالیێن سیاسی ژی كر، تهبا و ئێكرێزبن و ب بهرنامهیهكێ ههڤپشكێ كوردستانی، پشكداری دانوستاندنێن پیكئینانا حكومهتا نوو یا ئیراقێ ببن.
ههروهسا دیاركرییه، ئارمانجا سهرهكی یا پشكداریكرنێ د حكومهتا نوو یا ئیراقێ دا، بدهستڤهئینان و پاراستنا مافێن دهستووری یێن ههرێما كوردستانێ یه.
تُتاح هذه الصورة أيضا في: کوردی