دابەشکرنا موچەى هاته راگرتن
SNN:
ھەرچەندە بریاربوو ئەمرۆ موچەی ھێزەکانی پۆلیسی پاسەوانی دابەشبکرێت بەڵام بۆ سبەینێ دواخراوەو بەرێوەبەری پۆلیسی پاسەوانی سەر بە بەرگری و فریاکەوتنی سلێمانی ھۆکاری دابەشنەکردنی موچەی مانگی چواریان ئاشکرادەکات.
لیوا باخەوان محەمەد، بەڕێوەبەری پۆلیسی پاسەوانی سەر بە بەرگری و فریاکەوتن لەسلێمانی، بە SNNی ڕایگەیاند:” ھەرچەندە بڕیاربوو ئەمڕۆ ٢٤ی٧ی ٢٠١٨ موچەی ھێزەکانی پۆلیسی پاسەوانی دابەش بکرێت، بەڵام بڕیاردراوە دابەشکردنی موچەی ئەوھێزانە بۆ سبەینێ دوابخرێت .
ئاشکراشیکرد، ھۆکاری دواخستنی موچەکە بەھۆی بوونی چەند کێشەیەکی تەکنیکی بووە، کە لە مانگەکانی پێشتر بەھۆی کورتھێنان لەپارەی پێویست، وایکردووە چەند کێشەیەک بۆ موچەی بەشێک لەو ھێزانە دروست بێت.
ڕونیشکردەوە: بۆ چارەسەرکردنی ئەو کێشەیە، بڕیاردراوە سبەینێ ٢٥ی٧ی ٢٠١٨ موچەی مانگی چواری ئەمساڵی پۆلیسی پاسەوانی دابەشبکرێت و سەرجەم ھێزەکانی پۆلیسی پاسەوانی دڵنیا دەکەینەوە کە ھیچ گرفتێک لە دابەشکردنی موچەکانیاندا نەبووە و تەنھا چەند کێشەیەکی تەکنیکی ھەیە و چارەسەر دەکرێت.
تُتاح هذه الصورة أيضا في: کوردی