پهياما سهرۆكێ ههرێما كوردستانێ د سالڤهگهڕا ئهنفالكرنا بارزانيان دا
گاڤ نيوز
سهرۆكێ ههرێما كوردستانێ ئهڤرۆ رۆژا ئێكشهمبيێ دياركر كو خێزان و كهسوكارێن ئهنفالكريان پشتى وێ تاوانێ خۆ ل بهر ژيانهكا سهخت و تهعل گرتن و ب هزارههان دايكێن سهربلند ئهركێ پهروهردهكرنا زارۆكان ب تنێ كهفته ل سهر ملێن وان.
سهرۆك نێچيرڤان بارزانى د پهيامهكێ دا د سالڤهگهرا ئهنفالكرنا بارزانيان دا دياركر؛ ئهڤرۆ د سيهـ و نههـ سالڤهگهرا جينۆسايد و ئهنفالكرنا ههشت هزار سنێله و گهنج و زهلامێن سڤيل يێن بارزانى دا، رێزێ ل گيانێ وان دگرين.
د پهيامێ دا هاتيه ژى؛ خێزان و كهسوكارێن ئهنفالكريان پشتى وێ تاوانێ خۆ ل بهر ژيانهكا سهخت و تهعل گرتن و ب هزارههان دايكێن سهربلند ئهركێ پهروهردهكرنا زارۆكان ب تنێ كهفته ل سهر ملێن وان و رڤشتهكێ دلسۆز پێگههاندن، ئهو دايك جهێ شانازيێ نه و دهستێن وان ماچى دكهين.
تێدا هاتيه ژى؛ ئهڤرۆ د ڤێ سالڤهگهرێ دا كو روفاتێن سهد ئهنفالكريێن بارزانيان ب ئاخا پيرۆزا كوردستانێ دسپێرين، دل و هۆش و خهيالا مه ل گهل دايك و ههڤژين و خويشكێن جگهرسۆتى يێن ئهنفالكريان و زارۆك و كهسوكارێن وانه، ئهم ههڤسۆز و ههڤخهمێن واينه.
سهرۆكێ ههرێمێ د پهياما خۆدا سوپاسيا وان كهسان كر يێن هاريكاريا كهسوكارێن ئهنفالكريان كرين.
تُتاح هذه الصورة أيضا في: کوردی