تۆرا لالش

ل رێكه‌فتی 22/3/2026 د چوارچۆڤێ خورتکرنا پەیوەندیێن کۆمەلایەتی و نێزیککرنا تەخ و چینێن جودا یێن جڤاکێ شنگالێ ب هەموو پێکهاتێن وێ یێن ئاینی و نەتەوەیی ڤە، ئیرۆ رۆژا ئێکشەمبوویێ، شاندەکێ بنگه‌هێ لالش تایێ سنوونێ و نڤیسینگه‌هێن ب سه‌رڤه‌ و رەوشەنبیر و کەسایەتیێن ئێزدیێن شنگالێ دەست ب زنجیرە سەرەدانەکێ بۆ مالێن برایێن خۆ یێن موسلمان ل كه‌مپا كه‌به‌رتوویێ کرن.

ئەڤ دەستپێشخەرییە ب هەلکەفتا نێزیکبوونا جەژنا رەمەزانا پیرۆز هاتە ئەنجامدان، وەکو نیشانەک بۆ هەبوونا روحا تەبایی و براینیێ د ناڤبەرا پێکهاتێن شنگالێ دە، ئێک ژ وێستگەهێن سەرەکی یێن ڤێ گەشتێ، سەرەدانا “کۆچکا پێکڤەژیانێ” بوو ل کەمپا که‌به‌رتو، کو ل وێده‌ره‌ێ شاندێ مێهڤان ب گەرمیەکا مەزن ژ لایێ بنەمالێن مسولمان ڤە هاتنە پێشوازیکردن.

د کۆمبوونێ دە، چەندین بابەتێن گرێدایی ب ژیانا رۆژانە و جڤاکیا خەلکێ شنگالێ و چەوانیا پاراستنا ڤێ پێکڤەژیانا دیرۆکی هاتنە گەنگەشەکرن.

ئامادەبوویان دوپات کر کو شنگال دێ هەر مینت نموونەیا بلند یا برایینیێ د ناڤبەرا هەموو ئاین و مەزهەبان دە، و ئەڤ جۆرە سەرەدانە دبنە ئەگەرێ بهێزتربوونا جڤاکی و پاشەرۆژەکا گەشتر بۆ دەڤەرێ.

تُتاح هذه الصورة أيضا في: کوردی