فلمێ چیایێ ئاسێ دقۆناغا وێنەگرتنێ دایە
تۆرا لالش یا راگەهاندنێ
تیپا گرعزێر یا هۆنەرێ شانۆیێ یا بەرهەڤییان دكت ژبۆ چێكرن و وێنەكرنا فلمەكی نوو ب ناڤێ(چیایێ ئاسێ)ل سەر رەوشا چیایێ شنگالێ دەما داعشێ هێرشكریە سەر شنگالێ ،ئەڤ فلم ل سەر كارێن هۆڤانەیێن داعشێ یە یێن ب سەرێ مللەتێ ئێزدی ئیناین ،هەروەسا قەهرەمانیا ئەوێن بەرەڤانی ئاخا خۆ كرین و نۆژدار رێزان و جیلانێ یە،دێ هەول دەت ژی فلم ل دەرڤەی وەلاتی ژی بێتە نیشاندان و پشكداری ڤیستەڤالێن مەزن بت.
سالم حسێن،بەرپرسێ تیپا گرعزێر یا هۆنەرێ شانۆیێ بۆ رۆژنامەیا دەنگێ لالش گۆت:”چیرۆكا نڤیسینا فلمی ژلایێ وی ڤە هاتیە نڤیسین،فلم نۆكە ل قۆناغا وێنەگرتنێ دایە و وشەش دیمەن هاتینە وێنەكرن و یێن دی ژی دێ ل ڤان رۆژان بت و وێنەكرن ل شنگالێ یە و ماوێ وی ئێك دەمژمێرە،هەروەسا ستافێ فلمی نێزیكی 50كەسایە ژ هەردوو رەگەزا وەك ئەكتەر و دەرهێنەر و نڤیسەر تێدا پشكدارن و ب ئامیرێن پێشكەفتی دێ ئێتە چێكرن،نۆكە بەرهەڤییان یێ دكەین و ناڤێ(چیایێ ئاسێ) یە ل سەر رەوشا چیایێ شنگالێ دەما داعشێ هێرشكریە سەر شنگالێ ،ئەڤ فلم ل سەر كارێن هۆڤانەیێن داعشێ یە یێن ب سەرێ مللەتێ ئێزدی ئیناین ،هەروەسا قەهرەمانیا ئەوێن بەرەڤانی ژ ئاخا خۆ كرین و نۆژدار رێزان و جیلانێ یە و شانازیێ ب وان دبەین كو ناڤێ وان بمینت دفلم دا”.
حسێنی گۆتژی چەند پشتەڤانیا مە بێتە كرن ژئالیێ جیێن پەیوەندیدار و دەزگەهێن هۆنەری و رەوشەنبیری ڤە دێ فلم باشتر ئێتە چێكرن،دیسان هەول ددەن ئەڤ فلم ب دەنگی ژ زمانێ كوردی بۆ زمانێن ئەرەبی و ئنگلیزی بێتە وەرگێران،داكو خەلكی بیانی بزانت ل 3ی ئابا 2014ێ چ ب سەرێ ئێزدیان هاتیە،زێدەباری هندێ هەول ددەین فلم ل پارێزگەهێن هەرێمێ و ژ دەرڤەی وەلاتی بێتە نیشاندان و ل ڤیستەڤالێن مەزن دا پشكدار بت.
تُتاح هذه الصورة أيضا في: کوردی