400 rizgarbûyên êzdî ji Romanya re tên rêkirin!

BasNews

 Qaymeqamê qeza Şingalê diyar kir hikûmeta Romanya razîbûye ku 400 keç û jinên êzdî yên ji deste terorîstên DAIŞê rizgarbûne dê ji Romanya re bên rêkirin ku çareseriya tenduristî û derûnî werbigrin.

Qaymeqamê qeza Şingalê Mehma Xelîl ji BasNewsê re ragehand: ‘’Hikûmeta Romanya dê hemahengiyê li gel hikûmeta herêma Kurdistanê bike bo rêkirina wan 400 keç û jinan. Hikûmeta herêma Kurdistanê dê navên wan keç û jinan kom bike, ku ew ji bo çareseriya tenduristî û derûnî li Romanya sûd jê wergirin.’’

Herwaha got: ‘’Ew keç û jin û zarokên tên rizgar kirin gelek hatine êşandin, gelek pêwîstiya wan bi alîkarî û çareseriyê heye. Naha li serokatiya tenduristiya Duhokê navendek çareseriyê bo wan hatiye vekirin û berdewam çareseriya hemûyan tê kirin.’’