Hewlêr (Rûdaw) – Keçeke Kurda Amerîkî bi navê Narîn Biryar li zanîngeha Boston dixwîne, kar û çalakiyan di warê piştevaniya Kurdên êzdî dike.
Narîn keçeke Kurd e, li Amerîkayê ji dayik bûye û li Zanîngeha Bostonê dixwîne û çalakvaneke warê piştîvaniya Kurd, Êzdî û kemîneyên din e.
Narîn Biryar malperek bo komkirina alîkariyan dirust kir û bi rêya malperê alîkariyan kom dike. Narîn dibêje ew dixwaze Kurdêmn Êzdî û komkujiya li hemberî wan hatiye kirin bi xelkê Amerîka û cîhanê bide naskirin.
Wê xwestiye alîkariya Êzdiyên bike, ji ber ku zerermendên herî mezin ên destê DAIŞê bi gotina wê ew in.
Bi rêya torên xwe yên civakî û piştîvaniya hevalên wê, Narîn rûpeleke komkirina alîkariyan vekiriye.
Narîn kariye di yekem pêngav de, zêdeyî 2 hezar û 500 dolaran kom bike û herwiha pêdiviyên dibistanê bo xwendevanan peyda dike.
Niha Narîn komkujiya Kurdên Êzdî bi xelkê Amerîka û cîhanê dide nasandin.
Li Kurdistanê wê alîkariya Kurdên Êzdî û penaberên Rojavayê Kurdistanê kiriye. Di heman demê de kursên fêrkirin û bihêzkirina zimanê Ingilîzî jî vekirine.
تُتاح هذه الصورة أيضا في: Kurdî