Du jin û zarokekî Kurd ên Êzdî ji destê DAIŞê hatin rizgarkirin
Duhok (Rûdaw) – Du jin û zarokekî Kurd ên Êzdî vê êvarê ji destê DAIŞê hatin rizgarkirin û gihiştin cihên aram.
Berpirsê Ofîsa Rizgarkirina Revandiyan a ser bi Ofîsa Serokwezîrê Herêma Kurdistanê Nêçîrvan Barzanî, Husên Kuro Qaîdî ji Tora Medyayî ya Rûdawê re ragihand ku 3 Kurdên Êzdî li Sûriyê ji destê DAIŞê hatin rizgarkirin.
Husên Qaîdî eşkere kir: “Bi alîkariya Ofîsa Taybet a Serokwezîr Nêçîrvan Barzanî hetanî niha 3 hezar û 352 kes hatine rizgarkirin, ev jî ji 6 hezar û 417 kesên ku di sala 2014an de ketibûn destê DAIŞê.”
Li gor gotina Husên Qaîdî, tenê di nav vê mehê de heta niha 27 Kurdên Êzdî hatine rizgarkirin
تُتاح هذه الصورة أيضا في: Kurdî