Nêçîrvan Barzanî Cejna Çileya Havînê li Êzdiyan pîroz kir
Hewlêr (Rûdaw) – Serokê Herêma Kurdistanê îro di twîttekê de cejna Çileya Havînê li Êzdiyan pîroz kir û ragihand, “Cejna Çileya Havînê li xwişk û birayên Êzdî yên li Kurdistanê û li her dereke cîhanê ji dil pîroz dikim.”
Îro Duşemê 2ê Tebaxa 2021, Serokê Herêma Kurdistanê Nêçîrvan Barzanî li ser hesaba xwe ya Twitterê peyameke pîrozbahiyê bo Kurdên Êzdî belav kir û ragihand, “Cejna Çileya Havînê li xwişk û birayên Êzdî li Kurdistanê û li her dereke cîhanê bin, ji dil pîroz dikim.”
Nêçîrvan Barzanî got jî: “Hêvîdar im cejneka xweş û aram derbas bikin û cejn û bîrhatinên bên jî di dem û rewşên baştir de vegerin. Her sal bi xêr û xweşî. Silav li malbat û kesûkarên qurbaniyên Êzdî.”
Cejna Çileya Havînê cejneke serekî ya Kurdên Êzdî ye û her sal bi merasimên taybet li Perestgeha Lalişê ev cejn tê pîrozkirin. Kurdên Êzdî bi armanca beşdariya di vê cejnê de, ji derveyî welat û parçeyên Kurdistanê serdana Başûrê Kurdistanê dikin.
Di merasîmê de dia têne kirin û qewlbêj ligel dengê def û şibabê stranên olî dibêje.
Kurdên Êzdî her sal weke vê hefteyê bi helkefta Cejna Çileya Havînê li Perestgeha Lalişê kom dibin û merasimên xwe yên olî li dar dixin.
تُتاح هذه الصورة أيضا في: Kurdî