Birûskname: Damezrandina Baregehê Laleş Pîroz be
Rêzdar Şêx Şamo serokê bingehê Laleş yê rewşenbîrî û cîvakî,
rêzdaran endaman û karmendên bingehê Laleş,
hêja û rêzdaran, bi bîranîna Bîst û yekemîn salvegera damezrandina Bingehê Laleş yê rewşenbîrî û civakî, û bi helkeftina vekirina Baregehê nuh , bi navê Encumena Êzdiyên sûrî ji dil û can em pîropzbahiyên xwe yên germ arasteyî weyên rêzdar dikin.
Bingehê Laleş, ku li ser destê jimarek mezin ji nivîskar, rewşenbîr û xemxewrên Êzdayetiyê hat damezrandin gaveke dîrokî pêdivî û pêwîst bû , û bi xêzên zêrîn di dîroka kurdên Êzdî ya rewşenbîrî de hate nivîsandin.
Em ji dil û can wan hêjayan silav dikin û dibêjin keda û xebata we, û semyanê we yê rewşenbîrî ronahiye ji bo me.
Rêzdaran, Me pir pêxweş e îro di vê bîranîn û helkeftina ciwan de, li bîra hemî xemxwerên Êzdayetiyê û gelê Kurd û Kurdistanê bînin ku bingehê Laleş yekemîn dezgeh bû ku destê birayetiyê ji bo me êzdiyên rojava dirêj kirin, û bi berdewamî alîkarî û piştevaniya me kirin.
Silav ji wer e, silav ji keda wer e , silav ji endam û karmendên we re silav û Sed silav ji rêberên we re
Bi hêviya ku rojên we hemi serkeftin bin
Encumena Êzdiyên Sûrî
13.05.2014
تُتاح هذه الصورة أيضا في: Kurdî