Serokê Herêma Kurdistanê Mesûd Barzanî peyama pîrozbahiyê belav kir
Rûdaw
Serokê Herêma Kurdistanê Mesûd Barzanî bi boneya cejna Remezanê peyamek belav kir, di peyama xwe de cejna misilmanên Kurdistanê û hemû cîhanê pîroz kir.
Peyama Serokê Herêma Kurdistanê Mesûd Barzanî ya ku di malpera Serokatiya Herêma Kurdistanê de hatiye belavkirin wiha ye:
Bi navê xwedayê mezin û dilovan Ji bo hatina cejna Remezana pîroz, germtirîn pîrozbahiyê pêşkêşî hemû misilmanên Kurdistanê bi taybetî û cîhan bi giştî dikim.
Pîrozbahiyeke germ li malbatên serbilind ên şehîdan û pêşmergeyên qehreman ên Kurdistanê û herwiha hemû karmendên dezgehên emniyên Kurdistanê dikim.
Ji xwedayê mezin hêvîdar im rojî û îbadeta meha pîroz a Remezanê li hemû misilmanan qebûl kiribe û pişt û penaya Pêşmergeyên me yên qehreman bê û gelê me jî bigihe hêviya xwe ya dîrokî û dawî bi hemû nexweşiyan bê.
Mesûd Barzanî 29ê Remezana 1438an Koçî 24ê Hezîrana 2017an Zayînî
تُتاح هذه الصورة أيضا في: Kurdî