Barzanî ji bo giştpirsiyê diçe Ewropayê!
Rûdaw
Endamê Polîtbûroya PDKê Hoşyar Zêbarî ragihand, ku Serokê Herêma Kurdistanê Mesûd Barzanî, ji bo wergitina nêrîn û helwesta welatên rojava ya derbarê referandûma Başûrê Kurdistanê, dê ligel şandekê here Brûkselê.
Endamê Civata Bilind a Referandûma Başûrê Kurdistanê û Endamê Polîtbûroya Partiya Demokrata Kurdistanê Hoşyar Zêbarî ji Rûdawê re got, ku dê Serokê Herêma Kuridstanê, ji bo danûstanina ligel welatan û zanîna helwest û nêrîna wan a derbarê referandûmê de serdana paytexta Belçîka Brûkselê bike.
Zêbarî got: “Beşek ji endamên Civata Bilind a Referandûmê jî dê di vê serdanê de hevrêtiya Barzanî bikin.”
Hêjayê gotinê ye, ku îro Şemiyê (08-07-2017), li Pîrmamê, di bin serokatiya Serokê Herêma Kurdistanê Mesûd Barzanî û bi beşdarbûna nûnerê partiyên siyasî û pêkhateyên neteweyî û olî civîna Civata Bilind a Referandûma Başûrê Kurdistanê hate sazkirin.
Hêjayê gotinê ye, ku Civata Bilind a Referandûma Başûrê Kurdistanê, li ser 3 xalan biryar wergirt, ku yeknji wan jî diyarkirina pêngavên pratîkî yên amadekariyên referandûmê, nexşerêya karên Civata Bilind a Referandûmê û komîteyên binî bû.
تُتاح هذه الصورة أيضا في: Kurdî