Mesrûr Barzanî :Dîroka PDK dîrokeke şikûmend û tîje ji qurbanidanê
Bi boneya 75mîn salvegera damezrandina partiya demokrata Kurdistanê û herwiha jidayik bûna Rêberê me yê nîştimanî, Serok Mesûd Barzanî, gerimtirîn pîrozbayiyên xwe pêşkêşî Serok Barzanî, tevahiya endam û alîgirên partiya demorkata Kurdistanê, kesûkarên serfiraz yên şehîdan, enfalkiriyan, pêşmergeyên qehreman û tevahiya Kurdistaniyên nîştimanperwer û têkoşer dikim.
Damezrandina PDK weke tevgerek bi Rêberatiya bavê rihê netewiya me Mistefa Barzaniyê Nemir, geşandin û vejandina omîd, hêviyên neteweyek, werçerxaneke dîrokî û bersifdana xwestekên gelê Kurdistanê bû bo parastina mafên xwe yên reva yên netewî.
Dîroka PDK dîrokeke şikûmend û tîje ji qurbanidan, xebat kirin, cuda nebûn ji xak û gelê Kurdistanê û tevîz nedan li ser pirsên Kurdistanî di bin her zextekê de ye.
PDK ku îro mezintirîn partiya Kurdistan, Îraq û deverê ye, hertim li gel xelkê xwe, diroşmên xwe yên neteweyî û nîştimanî, rastbêj bûye û xwedanê siyaseteke hekîmane yaku çavkaniya danayî û dîrokî ya tîje ji serwerî ya cenabê Serok Barzaniye.
Îro ku 75mîn salvegera damezrandina PDK bibîr tînin, peyam, karname, armancên netewî û nîştimanî yên PDK, ji her demekê bihêztirin û bi coşeke mezin û zêdetir ve, li ser xebat û têkoşîna xwe berdewame. Serfiraziyeke gelek mezin jî bo bidest xistina destkeftên netewî û nîştimanî, parastina prosesa siyasî û demokrasî ya herêma Kurdistanê para PDKê ye ku bo vê yekê gelek qurbaniyên mezin daye.
Bêgoman karwana xebat û têkoşîna PDK bo pêşengî kirina tevgera azadîxwaz ya gelê Kurdistanê, bi hevkarî û hemahengiya aliyên din yên Kurdistanî, bo parastina mafên destûrî û pirsên nîştimanî û pere pêdana zêdetir ya çanda bihevre jiyan, tebayî û avakirina Kurdistaneke bihêz berdewame û roj bi roj, PDK zêdetir dibe cîhê baweriya xelkê Kurdistan û tevahiya hewlên xwe jî dide bo xizmet kirina zêdetir ya xelkê berxwedêr ya Kurdistanê.
Di bîranîna 16ê Tebaxê de, birêzdarî ve, xebat û têkoşîna damezrinerê PDK, bavê nîştimanî yê me Mistefa Barzaniyê nemir û şehîdê Serkirde û hertim di bîr de, Îdrîs Barzanî û tevahiya şehîdên Kurdistanê bibîr tînin.
Mesrûr Barzanî
15ê Tebaxa 2021an
تُتاح هذه الصورة أيضا في: Kurdî
