Pira herî dirêj a Herêma Kurdistanê li ser Çemê Zê yê mezin hatiye ava kirin

BasNews – Îro 16.11.2021ê fermangeha medya û zanyariyên hikûmeta herêma Kurdistanê di pêgeha xwe ya taybet a tora civakî ya facebookê de ragehand, pira herî dirêj a Herêma Kurdistanê li ser Çemê Zê (Zap) yê mezin hatiye ava kirin.

Li gor heman daxuyaniya fermangeha medya û zanyariyan a hikûmeta herêma Kurdistanê dirêjiya wê pirê 928 metre ye û du şerîdên çûn û hatinê ye û paniya her şerîdekî jî 15 metre ye.

Herwaha hat ragehandin xercê çêkirina wê pirê 43 milyar dînar bûye û rêya 2 demjimêran, kiriye demjimêrek û 20 xulek.