DAIŞ çekdarên xwe çavtirsandî dike
Çavkanî :Rudaw
Li navçeya Hawicê ya Kerkûkê çekdarên DAIŞê welatî kom kir û ji wan xwest şerê Hêzên Pêşmerge û artêşa Iraqê bikin û 5 sivîl jî bi tohmeta sîxurî kuştin.
Rêveberê Polîsên Nahiye û Navçeyên Kerkûkê Serhad Qadîr ji Rûdawê re ragihand, çekdarên DAIŞê duh welatiyên navçeya Hawicê kom kir û ji wan xwest ku şerê pêşmerge û leşkerên Iraqê bikin.
Serhad Qadîr diyar kir ku çekdarên DAIŞê ji bo ku xelkê çavtirsandî bike 5 sivîl bi tohmeta sîxuriyê kuştin.
Hat zanîn rêxistina DAIŞê li ser egera destpêkirina operasyonekê li navçeyê tekerên kevin û petrola xam berhev kiriye. Rêxistin ji bo rê li ber êrişên asmanî bigre gelek caran vê metodê bikar tîne.
Herwiha tê gotin çekdarên rêxistinê xwekuj û wesayitên bombekirî amade kirine.
تُتاح هذه الصورة أيضا في: Kurdî