Sekreterê NATO: Pêwîste hemû endamên NATO bi yek helwêstê tevbigerin

BasNews – Sekreterê NATOyê da xuyakirin, Tirkiye hevpeymaneke giring e û divê daxwazên wan yên derbarî ewlekariyê de bên gotûbêjkirin.

Sekreterê Giştiyê NATO Jens Stoltenber û Wezîrê Derveyê Tirkiyeyê Mevlut Çavuşoglu pêwendiyeke telefonê encamdan.

Stenltenberg li ser twîtterê da xuyakirin, wî bi Çavuşoglu re li ser biryara Fînlanda û Swîdê bo endamtiya NATOyê axivî ne û da xuyakirin ku Tirkiye hevpeymaneke bi nirx e û divê gumanên wanê derbarî ewlekariyê de werin gotûbêjkirin.

Stoltenberg got, di vê dema dîrokî de, pêwîst e hemû welatên endam bi yek helwestî tevbigerin.

Peyvdara Koşka Spî jî da xuyakirin, ew bawer dikin, derbarî proseya endamtiya Fînlanda û Swîdê de, bi Tirkiyeyê re bigihin rêkeftinê.

Ev yek piştî wê tê, Serokomarê Tirkiyê Recep Tayyîp Erdogan roja înê ragihandibû, Enqere egera ku Fînlanda û Swêd bibin endamê NATOyê erênî nabîne, ji ber ku “welatên Skandînavyayê mêvandariya rêxistinên terorîstî dikin.”

تُتاح هذه الصورة أيضا في: Kurdî