تۆرا لالش
ب هەلکەفتا 33 سالرۆژا دامەزراندنا بنگەهێ لالش یێ رەوشەنبیری و كۆمهلايهتى، بابێ شێخ يێ ئێزدیيان، شێخ عەلی شێخ ئەلیاس، پەیامەکا پیرۆزباهیيێ ئاراستەی دەستەیا بلندا بنگەهی لالش ، کادر و کارمەندان کر و تێدا دەستخۆشی ل ئەرک و ماندیبوونا وان یا بەردەوام کر.
ههروهسا بابێ شێخ د پهياما خۆ دا ئاماژە ب ڕۆلێ گرنگ و دیرۆکی یێ بنگەهێ لالش کر و ڕاگەهاند: “بنگەهێ لالش هەر ژ دەستپێکا دامەزراندنێ و هەتا قۆناغا ئیرۆ، خزمەتەکا بەرچاڤ د بوارێن ڕەوشەنبیری، جڤاکی و پاراستنا کەلتوورێ ڕەسەن یێ ئێزدیان دا کریە. ئەڤ ناڤەندە بوویە مينبهرهكا گرنگ بۆ ناساندنا دۆزا مە و پاراستنا ناسنامەیا مە یا نەتەوەیی و ئۆلی.”
هەر ب ڤێ هەلکەفتێ دەستخۆشيیێ ل کادر و ئهندامێن بنگەهی ل کار و چالاکییێن دەستەیا بلند، تایی و نڤیسینگەهێن بنگەهێ لالش دکەن ل هەموو دەڤەرێن ئێزدیيان.
بابێ شێخ دوپاتكر، کو ماندیبوونا وان د ڤان 33 سالێن دەربازبووی دا، شوونتبلێن وان دیارن دبوارێ ڕەوشەنبیری دا ل کوردستانێ و دەڤەرێ هیڤی پاشەرۆژەکا گەشتر بۆ وان دخوازم.
ل داویيا پەیاما خۆ دا، بابێ شێخ هیڤیيا سەرکەفتنێ و پێشکەفتنێن مەزنتر بۆ بنگەهێ لالش خواست، داکو بەردەوام بن ل سەر پەیاما خۆ یا پیرۆز د خزمەتکرنا جڤاکێ ئێزدی و بلندراگرتنا ئاستێ هشیاری یا ڕەوشەنبیری دا.
بنگەهێ لالش، کو ل 1993/5/12 هاتیيە دامەزراندن، ئێکە ژ مەزنترین و چالاکترین دەزگەهێن ڕەوشەنبیری یێن ئێزدیيان کو د بیاڤێن ڤەکۆلین، چاپکرن و چالاکییێن ڕەوشەنبیری و جڤاکی دا کار دکەت.
تُتاح هذه الصورة أيضا في: کوردی