سەرۆک بارزانی سالیادا دامەزراندنا بنگه‌هێ لالش پیرۆز دکه‌ت

تۆرا لالش

ئيرۆ سێ شەمبوويێ، 12ـی ئه‌یارا 2026، سەرۆک بارزانی ب هه‌لكه‌فتا 33هەمین سالیادا دامەزراندنا بنگه‌هێ لالش، پەیامه‌كا پیرۆزباهیيێ ئاراستەی دەستەيا بلند، ئەندام و کادرێن بنگه‌هێ لالش و هەموو خوشک و برایێن ئێزدی کر.

سەرۆک بارزانی د پەیاما خۆ دا خۆشحالييا خۆ دەربرى ب کار و چالاکيێن بنگه‌هى و دبێژت: “جهێ خۆشحاڵیێیە بنگەهێ لالش، ب هه‌ولا خەمخۆر و كادر و ڕەوشەنبیرێت جڤاكا ئێزدی د سالێن بۆری دا، خزمەتەكا بەرچاڤ پێشكێشی جڤاكا ئێزدیيان و كه‌لتوورێ گەلێ كوردستانێ و پاراستنا نەریتێت ئێزدیا كریيە.”

دەقێ پەیاما سەرۆك بارزانی بۆ سالیادا دامەزراندنا بنگه‌هێ لالش:

بناڤێ خودایێ مەزن و دلۆڤان
ب هەلکەفتا سیهوسێ ساڵیا دامەزراندنا بنگەهێ لالش پیرۆزباهیێ ل دەستەیا بڵند و ئەندام و کادرێن بنگەهێ لالش و هەموو خوشک و برایێن ئێزدی دکەم. جهێ خۆشحاڵیێیە بنگەهێ لالش، ب هه‌وڵا خەمخۆر و كادر و ڕەوشەنبیرێت جڤاكا ئێزدی دساڵێن بۆری دا، خزمەتەكا بەرچاڤ پێشكەشی جڤاكا ئێزدیان و كولتوورێ گەلێ كوردستانێ و پاراستنا نەریتێت ئێزیدیا كریە.
وێڕای دەستخۆشیێ هیڤییا بەردەوامیێ و پێشکەفتنێت پتر بۆ بنگەهێ لالش و هیڤییا ئارامی و خۆشیێ بۆ هەمی خوشک و برایێن ئێزدی دخوازم.
بمینن دخێر و خۆشیاندا.
مسعود بارزانی
12ی ئایارا 2026