بنگەهێ لالش تایێ شێخان قارەمانیەكا شترەنجێ ب داوی ئینا
تۆرا لالش یا راگەهاندنێ
قارەمانیەكا شترەنجێ كو ب هەلكەفتا بیرەوەرییا 70ێ یا دامەزراندنا پارتی دیموكراتی كوردستان ژئالیێ بنگەهێ لالش تایێ شێخان ڤە هاتبوو ڤەكرن،ل رێككەفتی 20/8/2016،ب داوی هات و خەلات ل سەر سەركەفتیان هاتنە بەلاڤكرن.
ب ئامادەبوونا”خێری لاسو”كارگێرێ لژنا ناڤخۆیا شێخان و ژمارەكا مامۆستا و چالاكڤانان، بنگەهێ لالش تایێ شێخان قارەمانیەكا شترەنجێ ل رێككەفتی 20/8/2016ب داوی ئینا كو ب هەلكەفتا بیرەوەرییا 70ێ یا دامەزراندنا پارتی دیموكراتی كوردستان هاتبوو ڤەكرن،ل پێشیێ”ئازاد موراد”بەرپرسێ بنگەهێ بخێرهاتنا ئامادەبوویان كر،پاشی كارگێرێ لژنا ناڤخۆیا شێخان پەیڤەك پێشكێشكر و تێدا ئاماژە ب رۆلێ پارتی دیموكراتی كوردستان و قوربانیێن داین كر،هەروەسا رۆلێ بنگەهێ لالش ژی بۆ ئەنجامدانا ڤان جۆرە چالاكیان بۆ بەرژەوەندییا گشتی بلند نرخاند.
پشكدارێن قارەمانیێ بۆ چار گرۆپان هاتنە دابەشكرن و پشتی هەڤركیێ هەر ئێك ژ”سامان سەیدو”ب پلا ئێك و “جندی بیبو”ب پلا دوو و “خودێدا خدر”ب پلا سێ سەركەفتن و ل داویێ ژی خەلات ل سەر سەركەفتیان هاتنە بەلاڤكرن.
جهێ ئاماژێ یە ئەڤ قارەمانیە ل 16/8/2016هاتبوو ڤەكرن.
تُتاح هذه الصورة أيضا في: کوردی