عەلی عەونی:ئهم بەرپرسین ژ مووچەى، ئەو بەرپرسن ژ خوارنا نەفتێ
هەولێر-KDP.info-
عەلی عەونی پێوەست بە نامەکەی هێرۆ بۆ عەبادی کە داوای کردبوو نەوتی کەرکووک رابگیرێ دەڵێ، خۆ ماوەیەكی دوورودرێژە نەوتی چەند ناوچەیەك دەبەن و باڵی بێمووچەیش دەخەنە ئەستۆی ئێمە. ئێمە بەرپرسین لەمووچە، ئەوان بەرپرسن لە خواردنی نەوت.”
(عەلی عەونی) ئەندامی ئەنجوومەنی سەركردایەتی پارتی دیموكراتی كوردستان بەماڵپەڕی فەرمیی پارتیی دیموكراتی كوردستانی ڕاگەیاند: “پارتی دیموكراتی كوردستان لە ڕوانگەی خەمخواردن لە گەلی كوردستان و خۆ بە بەرپرس زانین شانی داوەتە حكوومەت و خۆی بە بەرپرسی چاك و خراپی ئەم حكوومەتە زانیووە و دەیشزانێ، بەڵام چەند لایەنێك دەیانەوێ خراپەکاری بخەنەوە ئەستۆی پارتی، لەكاتی سەركەوتندا ئەوان خاوەنی دەستكەوتن و لەشكست و كەمووكوڕتیشدا و نەبوونی مووچەدا، تەنها پارتی بە بەرپرس دەزانن.”
ئەو ئەندامەی ئەنجوومەنی سەركردایەتی پارتی دەیشڵێ:”ئەو نامە هەڕەشە ئامێزەی هێرۆخان بۆ عەبادی ناردووە دەلالەتی بڕینی شیری ئەو مانگایەیە كە تائێستا بەخشپە شیرەكەیان لێ دەدزی، مالیكیش ئەمەی لێ ئاشكرا كردن. خۆ ماوەیەكی دوور و درێژە نەوتی چەند ناوچەیەك دەبەن و باڵی بێمووچەیش دەخەنە ئەستۆی ئێمە. ئێمە بەرپرسین لەمووچە، ئەوان بەرپرسن لە خواردنی نەوت.”
(عەلی عەونی) جەختیشی كردەوە: “مومكین نییە بەهیچ شێوەیەك پارتی دیموكراتی كوردستان یاری بە قوتی خەڵكەوە بكات و سامان و نەوتەكەیان بەتانكەر بۆ وڵاتانی دیکە رەوانە بكات و پارەكەشی بۆ باخەڵی خۆی ببات. ئێستا ئاشكرا بووە كە كێن ئەوانەی یاری بەقوتی خەڵكەوە دەكەن و دەستگیری كۆمپانیاو بازرگانی گەورە بوونە. ئێ با هەر لێیگەڕین حكوومەتی هەرێم نەوتەكەی بەبێ كێشە رەوانە بكات و مووچەی خەڵكی پێبدات و كێشەشی بۆدروست نەكەن.”
ئاماژەیشی دا:”دەبێ گشت داهاتێكی ئەم هەرێمە بە نەوتەكەشیەوە لەلایەن حكوومەت و دەزگا پێوەندیدارەكانەوە بەڕێوە ببرێت و دەستی حزب و سەركردە سیاسییەكانی لێ دووربخرێتەوە.”
تُتاح هذه الصورة أيضا في: کوردی