فلمەك ل سەر كۆچبەرییا ئێزدیا دئێتە دروستكرن
تۆرا لالش یا راگەهاندنێ
كار ل سەر دروستكرنا فلمەكی ل سەر كۆچبەریا ئێزدیان بۆ دەرڤەی وەلاتی دئێتە كرن پشتی كارەساتا ل 3ئابا 2014ێ ب سەرێ ئێزدیان دا هاتی،ئەڤ فلم دقۆناغا مونتاژێ دایە و چاڤەرێیە ل هۆلێن سینەمایێن ئەلمانیا ژی بێتە پیشان دان.
دەرهێنەر (مەروان سەبری حاجو) ئاكنجیێ گوندێ خەتارێ یە بۆ دەنگێ لالش دبێژت: پێتڤیە ل سەر تەڤایا كەسانێن دناڤ هۆنەری دا كاردكن ل كوردستانێ و ئێزدیخانێ برێیا هۆنەرێ (كلیپ و كورتە فلمان) هۆڤاتیا ل هەمبەر ئێزدیان هاتیەكرن ژلایێ توندرەوێن (داعش)و ئالگرێن وان یێن دەڤەرا شنگال بگەهینن جیهانی دگەل (73) قركرنێن بۆری،داكو جیهان بزانت چ جۆرە زولم د مێژوویێ دا هەمبەر ئێزدیان هاتیەكرن،تا رادەیەكی هۆنەرمەندێن دبیاڤێ هۆنەری دا كاردكەن،كارینە لگۆر پێچێبون و شیانێن خۆ یین مادی و مەعنەوی پەیاما كارەساتا شنگالێ بگەهیننە جیهانێ لێ هێشتا یا كێمە،رۆلێ دەرهێنەرێ ئێزدی تارەدیەكی باشە ،لێ پێتڤی پشتەڤانیێ نە ژ جهێن شۆلەژێ یێن ب هۆنەری ڤە گرێدایی، نۆكە ژی مژوولی دروستكرنا فلمەكی مە ل سەر وێ كۆچبەریا ئێزدیا بۆ دەرڤەی وەلاتی چێبووی،پشتی كارەساتا شنگالێ و دگەل كارەساتێ بخۆ و نۆكە ئەو فلم د قۆناغا مونتاژكرنێ دایە و ئەز و هەڤالێن پشكدار مە لبەرە د دروستكرنا ڤی فلمی دا ل هۆلێن سینەمایێن ئەلمانیا پیشان بدەین،داكو خەلك ب ئێش و ئازارێن مە بحەسیێن و تشتەكی ژبۆ ئێزدیان بكت و ئێكەم جارە كارەكێ وەسان دكەم.
حاجو تەكەزكر پشتی كارەساتا شنگالێ روودایی ژلایێ رێكخراوا توندرەوا داعش و ئالیگرێن وێ ڤە،لگۆر شیانێن خۆ چەندین سترانێن هۆنەرمەندان كرینە كلیپ كو ناڤەرۆكا وان ل سەر كارەساتێ بوون.
تُتاح هذه الصورة أيضا في: کوردی