پیسبوونا هەوايى تووشبوونێ ب شەکرێ زێده دكت
رووداو-سلێمانی
توێژینەوەیەکی نوێی بەریتانی پەیوەندی دەبینێتەوە لەنێوان پیسبوونی هەوا و زیادبوونی ئەگەری تووشبوون بە شەکرەی جۆری دوو.
توێژینەوەکە لە نێوەندی توێژینەوە لە شەکرە و بەشی زانستە تەندروستییەکانی زانکۆی لیستەری بەریتانیا ئەنجامدراوە و لە جۆرناڵی زانستی “Environment International” بڵاوبووەتەوە.
توێژەرەکان بەدواداچوونیان کردووە بۆ باری تەندروستی 10443 کەس و بۆیان دەرکەوتووە ژیان لەو ناوچانەی هەوایان پیسە، تووشبوون بە شەکرەی جۆری دوو زیاددەکات.
دکتۆر گاری ئۆدۆنۆڤان، سەرۆکی تیمی توێژینەوەکە، دەڵێ رووبەڕووبوون لەگەڵ ماددە پیسکەرەکانی هەوا (بۆ نموونە دووکەڵی ئۆتۆمۆبێل) جەستە سەرسەختدەکات بەرامبەر کاری هۆرمۆنی ئینسۆلینی سووتێنەری شەکر، ئەوەش رێگە خۆشدەکات بۆ تووشبوون بە شەکرە.
تُتاح هذه الصورة أيضا في: کوردی