كچەكا دی یا كوردا ئێزدی هاتە رزگاركرن
باسنيوز:
رێڤەبەرێ نڤیسینگەها رزگاركرنا رەڤاندیێن كوردێن ئێزدی پارێزگەها دهۆكێ دیاركركو ئەڤرۆ 31/8/2017 كچەكا 14 سالیی ب ناڤی ( ر) خەلكا تل قەسەب ل قەزا شنگال ژ دەستێن تێرۆرستێن داعش ژ وەلاتی سوریا هاتنە رزگاركرن.
حوسێن كورۆ قائێدی، رێڤەبەرێ نڤیسینگەها رزگاركرنا رەڤاندیێن كوردێن ئێزدی، بۆ (باسنیوز) دیاركر: ” 24 دەمژمێرێن بۆرێدا هەتا نوكە 31/8 پێنچ رەڤاندیێن كوردێن ئێزدی ژ دەستێن تیرۆرستێن داعش رزگاربوون ژوانا ژی ژنەك دگەل سێ زارۆكێن خوە ژ دەڤەرا تەلەعفەر هاتە رزگاركرن ئەڤرۆكە ژی كچەكا دی یا ئێزدی دژیێ 14 سالیێ دا ژ وەلاتی سوریا دەستێن تیرۆرستێن داعش هاتە رزگاركرن وگەهشتنە ناڤ كەس و كارێن خوە ل دهۆكێ”.
خۆیا ژی كر: “تیرۆرستێن داعش گەلەك كچ و ژن و زارۆكێن ئێزدی بۆ وەلاتی سوریا و دەڤەرێن دێ یێن بن دەستهەلاتا خوە دا ڤەگوهاستینە ئەم هەولین بەردەوام داینە ب پشتەڤانیا سەرۆكێ حكومەتا هەرێما كوردستانێ بۆ رزگاركرنا هەموو رەڤاندیێن ئێزدی”.
تُتاح هذه الصورة أيضا في: کوردی