قوباد تالهبانی: ئامادهینه كێشهیێن خوه دگهل بهغدا چاره بكهین
WAAR-دهۆك:
قوباد تالهبانی سهرۆكوهزیرێ ههرێما كوردستانێ ب وهكالهت دگهل شاندهكا بلندا ئهمریكی كۆمبوو و راگههاند؛ ههرێم ئامادهیه ههموو كێشهیێن خوه دگهل بهغدا چاره بكهت.
ل گۆرهیی مالپهرێ فهرمی یی حكومهتا ههرێما كوردستانێ، قوباد تالهبانی سهرۆكوهزیرێ ههرێما كوردستانێ ب وهكالهت، پێشوازی ل رۆبێرت كارم هاریكارێ وهزیرێ بهرگرییا ئهمریكا و شاندهكا دگهل دا كر و باس ل پهیوهندیێن ههرێم و ئهمریكا و چارهكرنا كێشهیێن ههولێر و بهغدایێ كر.
تالهبانی گۆت: ههرێم ئامادهیه ههموو كێشهیێن خوه دگهل بهغدا چاره بكهت و داخواز كر، ئهمریكا رۆلێ خوه د چارهكرنا كێشهیێن ههرێم و بهغدایێ دا ببینیت و پشتهڤان ژی بیت بۆ رێكخستنا وهزارهتا پێشمهرگهی.
شاندا ئهمریكی ژی خوشحالی و پشتهڤانییا وهلاتێ خوه بۆ چارهكرنا كێشهیێن ههولێر و بهغدا و حكومهتهكا بهێز و ئێكگرتی ل ههرێمێ نیشاندا و راگههاند؛ دێ مهشق و هاریكاریێن سهربازی یێن ئهمریكا بۆ هێزێن پێشمهرگهی بهردهوامبن.
تُتاح هذه الصورة أيضا في: کوردی