نێچیرڤان بارزانی ل گهل شاندهكا بریتانی كۆمبوو
WAAR-دهۆك:
سهرۆكوهزیرێ ههرێما كوردستانێ ل گهل شاندهكا بریتانی كۆمبوو و پهیوهندیێن ههولێر و بهغدایێ و قۆناغا پشتی ههلبژارتنان گۆتوبێژ كر.
ل گۆرهیی مالپهرێ فهرمی یی حكومهتا ههرێمێ، سهرۆكوهزیر نێچیرڤان بارزانی ل گهل شاندهكا بلندا بریتانی ب سهرۆكاتییا ئهلستهر بۆرت وهزیرێ دهولهتا بریتانییا بۆ كاروبارێن رۆژههلاتا ناڤین كر و شاندا بریتانی گاڤێن حكومهتا ههرێمێ بۆ ئاسایكرنا پهیوهندییان ل گهل بهغدا بلند نرخاند.
شاندا بریتانی داخواز ژی كر ژ بۆ قۆناغا پشتی ههلبژارتنان، ههموو ئالی ب تایبهتی ئالییێ كوردی، رۆلێ خوه د دروستكرنا حكومهتهكا بنكه فراوان دا ببینن.
ههروهسا پشتهڤانی و بهردهوامییا هاریكارییا بریتانییا بۆ ههرێما كوردستانێ ب تایبهت د وارێ مهشق و راهێنانێن سهربازی و پێشڤهبرنا پهیوهندیێن بازرگانی و ئابووری دا دوپاتكر.
سهرۆكوهزیر نێچیرڤان بارزانی ژی، ئامادهییا ههرێما كوردستانێ بۆ ههر هاریكاری و ئاسانكاریهكێ نیشاندا و داخوازكر، حكومهتا بریتانییا رۆلهكێ مهزنتر د جێبهجێكرنا ریفۆرم و چاكسازییا گشتی ل ئیراقێ و ههرێما كوردستانی ببینیت.
تُتاح هذه الصورة أيضا في: کوردی