زێدەبوونا كافیا كاریگەریەكا خراب كریە سەر گەنج و سنێلان
تۆرا لالش یا راگەهاندنێ/جوان عزەت
زێدەبوونا كافی و جیێن تایبەتمەند ل پارێزگەها دهۆكێ كاریگەریەكا زۆر كریە سەر بارودۆخێ كۆمەلگەهێ و تەخا گەنج و سنێلان،پشتی پەیدابوونا قەیرانان ئێدی گەنج رۆژ بۆ رۆژێ یێ بەرەف لاوازیێ دچت و بەرێ وێ دكەفتە كارێن ب زیان و خراب و چاڤدێریا ڤان جۆرە جیان ب ئاوایەكی كێم بووینە،هەروەسا ڤەكۆلەرەكی دەروونی دیار دكت پێتڤیە جۆرە چاڤدێریەكا بلەز بۆ جیێن كافێن نارگیلە و مادێن كوحولی جیێن ژناڤبرنا ئەقلێ تاكی بێتە دانان،داكو گەنجێن ساخلەم جڤاكی چاڤدێر بكن نەك خراب بكن.
لدۆر ڤێ چەندێ(كاوە)گەنجەكە دبێژت:بێگۆمان زێدەبوونا كافی و جیێن تایبەتمەند كاریگەریەكا زۆر كریە سەر بارودۆخێ كۆمەلگەهێ و تەخا گەنج و سنێلان، ژبەركو چەندین جیێن بێ مولەتداری هاتینە ڤەكرن ئەڤێ چەندێ ژی وە كریە كو ئێدی تاك ژ ژیانا خۆ یا رۆژانە بێتە هاڤیكرن،چنكو رۆژانە چەندین نامە گهۆرێن دی تر دكەڤنە چەنگێن گوهلێبوون و دیتنا وی دا،ژلایەكی دی ڤە پشتی پەیدابوونا تۆرێن كۆمەلایەتی ب شێوەكی نەچاڤدێر گەهشتنە دناڤ كۆمەلگەهێ دا، زیان و مەترسی گەهاندینە ئاستێ زانستی و دەروونی یێ گەنجی،چنكو ئەڤێ چەندێ ژی سەدەمێن خۆ هەنە ژ وان ئەگەران ژی وەكی نەبوونا دەلیڤێن كاری و نەبوونا چ موچەیێن بەردەوام ژبۆ ئیدارەكا پێتڤیێن ڤی گەنجی، دیسان نەگەهاندنا ئاستێ زانستی و هشیاریێ ل نك وی و…هتد،ئەڤان ئەگەران وەكریە كو گەنج ئێدی ژیانا خۆ ب هەروە ب بۆرینت.
ژلایەكی دی ڤە بەرپرسێ گرۆپەكی گەنج و لاوان(ئاراس حەكیم)دیاركر،ئەگەر بنێرین پشتی پەیدابوونا قەیرانان ئێدی گەنج رۆژ بۆ رۆژێ یێ بەرەف لاوازیێ دچت و بەرێ وێ دكەفتە كارێن ب زیان و خراب،چنكو دگەل پێشكەفتنا سەردەمانە بێگومان گهۆرین دێ پەیدابن،بەلێ دگەل ڤێ دا رەوش و بارودۆخێن مللەتی ژی دبن بەشەكی ژناڤبرنا ژیانا تاكی،لەورا ئەگەر چاڤدێری بۆ ڤان جۆرە جیان هەبت ژی ب ئاوایەكی كێم بووینە،چنكو ئالیێن ئەمنی و ساخلەمی هەتا نهۆ نكارینە وەكو بنگەهێ تەندروست ب ئەنجام دانا ڤان جۆرە سالوخەتان رابن و بدانن ژێر كۆنترۆل و هشیاریا خۆ، داكو گەنج قەستا ڤان جیان نەكت،بەلێ مخابن ئەڤ چەندە ژی نە بتنێ بۆ لایەنێ ئەمنی و ساخلەمی دزڤرن، بەلكو بۆ حكومەت و جڤاكی ب خۆ دزڤرت،ژبەركو یا گرنگ با ل جیێن ئەڤ دیاردەیە دناڤ كۆمەلگەهێ دا زێدە ببان و بەرەف شێوازەكێ نە شارستانی چۆبان،حكومەت و جیێن شۆلەژێ راببوون ب دامەزراندنا سەنتەرێن رەوشەنبری و هزری، دەزگەه و ناوەندێن گەنجان، پەرتۆكخانە، جیێن هۆنەری موزیك وشێوەكاری شانۆ،هەردیسان جیێن وەرزشی وەك مەلەڤانگەه و گۆرەپانێن یاریان دگەل ڤێ چەندێ جیەكی گونجای هاتبوو دروستكرن كو هەموو پێتڤیێن گەنجی لێ هاتبوونە دابینكرن،داكو حەز و ئارەزۆیێن خۆ تێدا بەرچاڤ كربوون و تووشی ئاستەنگێن كۆمەلكوژ نەببوون.
ژبال خۆڤە ڤەكۆلەرێ دەروونی(زەینەل عەگید)گۆت:بێگومان چۆنا ڤان جیان مەترسیا لسەر پاشەرۆژا گەنجان هەی چنكو ئەڤ چەندە دێ بتە دروشمێ دیاردێ بۆ چاڤلێكرنا گەنجی،دیسان كاریگەریێ دێ كەتە سەر دورهێلێ ژیان و ئارمانجا وی یا داهاتی،ئانكو دێ گەنجی هاندەت كو فێری زانستێ هاڤیبوون و دەرونی ببت رەنگە كاریگەریێ بكەتە سەر ساخلەمی و فیسولۆژیا وی یا كەسوكی و لەشی ژی،ژلایێ بایۆلۆژی ڤە دێ بتە گەنجەكی وسان كو ئێدی ب كێر مللەتێ خۆ نائێت دڤێ خالێ دا دێ زیان و مەترسیێ گەهینتە كۆمەلگەه و جڤاكی ب گشتی،ئەڤجا پێتڤیە جۆرە چاڤدێریەكا بلەز بۆ جیێن كافێن نارگیلە و مادێن كوحولی جیێن ژناڤبرنا ئەقلێ تاكی بێتە دانان، داكو گەنجێن ساخلەم جڤاكی چاڤدێر بكن نەك خراب بكن.
تُتاح هذه الصورة أيضا في: کوردی