سياسهتمهدارهكێ عيراقى:هشیار زێباری باشترين بهربژاره بۆ پۆستی سهرۆك كۆمارى
ئهڤرۆنيوز:
سياسهتمهدارهكێ عيراقى دياركر كو هشيار زێبارى يێ گونجايه بۆ بهربژاركرنێ بۆ پۆستێ سهرۆكاتيا كۆمارا عيراقێ.
مهشعان جبووری، ئهندامێ بهرێ يێ جڤاتا نوونهرێن عيراقێ دبێژيت” ژبهركو يا هاتيه ئێكلاكرن كو پۆستێ سهرۆك كۆمارى دێ بۆ كوردان بيت، لهوما من پێ باشه بۆ پارتى ديموكراتى كوردستان بيت وهشيار زێبارى وهزيرێ بهرێ يێ دارايى ههژى وهرگرتنا وى پۆستى يه”.
مهشعان جبوورى ل بهرپهرێ خوه ل سهر تۆرا جڤاكى يا تويتهرى بهلاڤكر ژى” ههموو لايهن درازى نه پۆستێ سهرۆك كۆمارى بۆ كوردان بيت ونوكه ههڤركى يا ههى بۆ وهرگرتنا وى پۆستى، بهلێ هشيار زێبارى باشترين بهربژاره بۆ وهرگرتنا پۆستێ سهرۆكاتيا كۆمارێ”.
گۆت ژى” دشيانين هشيار زێبارى دا يا ههى ههيبهتێ بۆ وى پۆستێ بزڤرينيت ودحالهتا نوكه ئهو پۆسته تێدا دهربينيت، چونكى هشيار زێبارى پهيوهنديێن ناڤخوهيى ودهرڤه يێن باش يێن ههين”.
تُتاح هذه الصورة أيضا في: کوردی