شۆرەش و پێكڤەژیان
خالد ئەحمەد بادی 
زانا وفەیلەسۆف وبیلمەندێ جیهانی ڤیكتور هوگو دبێژت(دەمێ ئاستەنگ درێیا رەها خوونێ دا دروست دبن بێگۆمان دێ جەلتە پەیدا بت،و دەمێ جۆیكا ئاڤێ یان سۆلینا ئاڤێ ئاسێ دبت و گلێش دكەڤتێ یان ئاخ وبەر بكەڤنە د جۆیك و رۆباران دا دیسا دێ لەهی ولێمشت ولافاو دروست بن،بەلێ ئەگەر ئاستەنگ وئاریشە و زۆری لسەر سەرێ گەلان دئێن و لسەر دئێنە سەپاندن بێگۆمان دێ شۆرەش وبەرخودان پەیدا بن ودروست بن)،شۆرەش ئانكو رابونەڤا گەلان وبەرسنگگرتنا ستەمێ وبەرسڤدانا دوژمنان و بدەستڤەئینانا مافان یە،مللەتێ كورد ل كوردستانێ ب دەهان شۆرەش وبەرخودان وسەرهلدان ئەنجام داینە وئەڤە ژی هەموو ژ ئەنجامێ وێ زۆرییا ل مللەتێ كورد هاتیە كرن ژلایێ دوژمنان ڤە،ل شۆرەشێن كوردان و ب تایبەت شۆرەشێن ئەیلول وگولانێ ل كوردستانا باشوور بتریا خەلكی پشكداری كریە و ب شۆرەشێن جەماوەری دهاتنە ناڤكرن،پێكڤەژیان زۆر یا بەربەلاڤ بوو لناڤا شۆرەشێن كوردان دا و ب تایبەت ل شۆرەشێن ئەیلول وگولانێ وئەڤ شۆرەشێن ناڤهاتی بتریا تەخ وچین وتویژ وئایین و لایەن بخۆڤە دگرتن ولناڤ وان لایەن وئایینان دا كوردێن ئێزدی وكوردێن ئەرمەنی وكوردێن كریستیان وكوردێن مەسیحی و زاراڤێن كوردی زاراڤا زازاكی وهەورامی وسۆرانی وكرمانجی وبادینی وكەلهوری و كاكەیی و هەموویان ب هەڤرا مل ب مل خەبات دكر،چنكو وان شۆرەشگێر وخەباتكەرا دوژمنەكێ هەڤپشك هەبوو و هەروەسا چارەنڤیسێ وان ئێك بوو و ب هەڤرا یێ گرێدایی بوو،ژ قەهرەمانێن شۆرەشێن كوردان زۆربوون ونائێنە هژمارتن و بۆ نموونە یێن كو ب سەركردایەتی ورێكخستن وشیان ولولیا تڤەنگا خۆ كارین دوژمنان سەرسۆرمان بكن مینا فرەنسو حەریری وهرمز ملك چكو ومەحمود ئێزدی وسلۆ خدر وزۆرین دی بوون ناڤێن وان نكارین بنڤیسین ،چنكو زۆرن كو كارین گورزێن مەزن وكاریگەر ل دوژمنان بدەن و خزمەت وخەباتەكا بێ داوی بۆ كوردستانێ ومللەتێ كورد بكن،پێكڤەژیانا ئاشتی هەستەكێ نەتەوەیی بوو لناڤ مللەتێ كورد دا شین بوویە ومەزن بوویە وب وێ پێكڤەژیانێ مللەتێ كورد یێ خۆ راگرتی وسەركەفتن ژی یێن بدەستڤەئیناین وهەروەسا پێكڤەژیانا ئاشتی هاندانەكا بهێزە بۆ باشتركرنا رەوشا ئارام و ئێمن یا جیهانێ،ل داوی پەیاما من ئەوە كو ئەم هەموو ئایین ئێزدی ومسلمان ومەسیحی ومەزهەب شیعی وسنی وئەرمەنی وكرستیان وئاشووری وسابئە وكاكەیی وزاراڤ ولایەن سۆرانی و بادینی و كرمانجی وهەورامی ب هەڤرا بژین ودەستێن خۆ بكەینە دناڤ دستێن هەڤ دا،ژبۆ دەركرنا دوژمنا و بهێزكرنا پێگەهێ هەرێما مە وبلندكرنا ناڤێ كوردستانێ وئەگەر مە بڤێت بسەر كەڤین فەرە ئەم ئێك بگرین دا كۆترا سپی یا ئاشتی وئارامیێ دادەتە سەر مالێن مە هەموویان و پەیاما كوردستانێ بتنێ ئاشتی وپێكڤەژیان بت.
تُتاح هذه الصورة أيضا في: کوردی