زێده‌ترى 15 كوردان دناڤ بەلەما نقومبوويا ئیتالیا دا هه‌نه
رووداو-هەولێر
بەلەمە نقومبووەكەی نێوان یۆنان و ئیتاڵیا زیاتر لە 15 كوردی تێدابووە و بەگوتەی سەرۆكی دەزگای لووتكە بۆ كاروباری پەنابەرانی هەرێمی كوردستان “تاوەكوئێستاش بەشێكیان بێسەروشوێنن”.
ئاری جەلال، سەرۆكی دەزگای لووتكە كە تایبەتە بە ئاوارە و پەنابەران، بە تۆڕی میدیایی رووداوی راگەیاند: “بەدواداچوونمان بۆ ئەو بەلەمە كردووە كە لەنێوان یۆنان و ئیتاڵیا ژێرئاوكەوتووە، بەپێی بەدواداچوونەكانمان لەو بەلەمە زیاتر لە 15 كورد هەبووە، بەداخەوە بەشێكیان تاوەكو ئێستا چارەنووسیان نادیارە و بێسەروشوێنن”.
سەرۆكی دەزگای لووتكە بۆ كاروباری ئاوارەو پەنابەران ئەوەشی خستەڕوو، رۆژی یەكشەممە12-1-2020 یەختێكی دیكە لە كەناراوەكانی وڵاتی توركیا ژێرئاو كەوتووە، بەڵام بەپێی بەدواداچوونەكانیان هیچ كوردێكی تێدا نەبووە.
بەرەبەیانی رۆژی شەممە لە كەناراوەكانی نێوان وڵاتی یۆنان و ئیتاڵیا بەلەمێکی كۆچبەران بە زیاتر لە 50 سەرنشینەوە ژێرئاو كەوتووە، کە دەگوترێت بەشێك لە سەرنشینەكانی خەڵكی هەرێمی كوردستانن.
تُتاح هذه الصورة أيضا في: کوردی